Siyasət

Fransa başa düşməlidir ki, Azərbaycan regionda yeni reallıq yaradıb - VİDEO - FOTO

22 Noyabr 2022 09:32

Baxış: 1 103

#SİYASƏT

Fransa senatı anti-Azərbaycan xarakterli bir sənəd qəbul etdi. Bu sənəd istər Fransa qanunvericiliyi baxımından, istərsə də beynəlxalq hüquq baxımından Azərbaycana qarşı deyildi. Bu ümumiyyətlə beynəlxalq hüququn kobudcasına pozulması demək idi

Bunu Trend BİA-nın "Sahil Kərimli ilə Aktual" müəllif layihəsinə açıaqlamasında Milli Məclisin deputatı Tural Gəncəliyev deyib.

O qeyd edib ki, Fransa Azərbaycanın daxili işlərinə birbaşa müdaxilə edərək, Azərbaycanın daxili məsəslərləri ilə bağlı öz parlamnetində bir sənəd qəbul edib.

"Bu ümumiyyətlə Fransanın onsuzda korlanmaqda olan nüfuzunu biraz da aşağı saldı. Biz Azərbaycan olaraq bu sənədi kağız parçası hesab edirik və heç bir əhəmiyyəti yoxdur. 2020-ci ilə qədər Fransa keçmiş ATƏT-in Minsk Qrupunun həmsədri kimi parazitlik edərək münaqişənin tənzimlənməsinə yox, daha çox idarə olunmasına, nəzarətdə saxlanılmasına cəhd edirdi. Fransa iç üzünü, simasını ortaya qoymurdu. Çünki münaqişə mövcud idi. Ermənistan Azərbaycan torpaqlarını işğal altında saxlayırdı. Bu Fransanın strateji maraqlarına cavab verirdi. Lakin Azərbaycan Prezidenti İlham Əliyevin rəhbərliyi altında biz torpaqlarımızı işğaldan azad etdik. Beləliklə də Fransanın regionda destruktiv siyasətinin qarşısını aldıq və ədaləti bərpa etdik. Təbii ki, Fransa bundan məmnun deyildi", - deyə T. Gəncəliyev bildirib

Deputat vurğulayıb ki, Fransa başa düşməlidir ki, Azərbaycan regionda yeni reallıq yaradıb və bütün dünya bunu qəbul edir.

"Fransanın son zamanlar dünyanın geosiyasi meydanında ard-arda aldığı məğlubiyyətlər və öz revanşist istəklərini Cənubi Qafqazda Ermənistanı maşa kimi istifadə edərək həyata keçirməsi də iflasa uğrayacaq. Azərbaycan bu gün tək deyil. Dünyanın etibarlı tərəfdaşlarındadır", - deyə o əlavə edib.