Siyasət

Azərbaycana qarşı ikitirəlik - Ermənistan bu saatdan sonra qazanacaq, yoxsa...?

20 Sentyabr 2022 17:16
Baxış: 5 823

"ABŞ Konqresinin Nümayəndələr Palatasının spikeri Nensi Pelosinin açıqlamaları ciddi olaraq Azərbaycan-ABŞ münasibətlərinə təsir göstərir".

Bunu Milli.Az-a açıqlamasında "Cənubi Qafqaz" politoloqlar klubunun rəhbəri İlqar Vəlizadə deyib.

O bildirib ki, ABŞ Azərbaycanı regionda vacib tərəfdaş hesab edir, amma ikitirəliyindən də qalmır:

"Pelosinin İrəvandan Bakı əleyhinə ittiham xarakterli bu açıqlamaları iki ölkənin münasibətinə təsir göstərməyə bilməz, çünki Konqresin Nümayəndələr Palatsının sədridir, hakim "Demokrat" Partiyasının aparıcı üzvüdür, eyni zamanda da təəssüflər olsun ki, onun müəyyən dərəcədə onun müəyyən dərəcədə Amerikanın xarici siyasətinə də təsiri var. 

Ancaq hər halda siyasəti tam mənada Nensi Pelosi müəyyən etmir. ABŞ-ın xarici siyasətini əsasən Blinken və Baydenin özü müəyyən edir. Ona görə də Pelosinin çıxışları təsir etsə belə kifayət qədər əsaslı təsir etməyəcək və tərəflərin münasibətlərinin proqmatik əsasların çərçivəsində inkişaf edəcəyini güman etmək olar. Hər halda Blinkenin Prezident İlham Əliyevlə və Xarici işlər naziri Ceyhun Bayramovla olan söhbətləri onu göstərir ki, ABŞ Azərbaycanı regionda vacib tərəfdaş kimi sayır. 

Digər tərəfdən də bu, Amerika siyasətində ikitirəliyin göstəricisidir. Bir tərəfdən hakim partiyanın aparıcı üzvü bir şey deyir, digər tərəfdən icra strukturunun nümayəndələri başqa şey deyir. Amma bütün hallarda regionda reallıqları Azərbaycan müəyyən edir, Ermənistan yox. ABŞ həmişə proqmatik kursu tətbiq edirdi. Ona görə də düşünmək, güman etmək olar ki, bu kurs dəyişilməz olaraq qalacaq və belə halda Azərbaycanın mövqeyi, rolu regionda Amerikanın siyasətini müəyyən dərəcədə müəyyən edəcək. Belə olan təqdirdə də ABŞ bütün hallarda Azərbaycanı gələcəkdə də regionda əsas tərəfdaş kimi görəcək".

Təhməz Əsədov
Milli.Az

 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.