Siyasət

Aİ çıxış yolunu tapdı: Ukrayna üçün bu addım atılacaq

6 Avqust 2022 20:26
0 Şərh     Baxış: 1 113
#SİYASƏT

Avropa Komissiyası Ukraynaya 8 milyard avro məbləğində makromaliyyə yardımı göstərmək üçün yeni təklif hazırlayıb. Bu, Kiyevə qrant və kreditlərin kombinasiyası şəklində 8 milyard avro verilməsini nəzərdə tutur.

Milli.Az publika.az-a istinadən xəbər verir ki, bu barədə "Politico" Aİ rəsmilərinə istinadla məlumat yayıb .

Mənbələrin məlumatına görə, Ukrayna 5 milyard avronu Aİ ölkələrinin zəmanəti ilə uzunmüddətli kreditlər, qalan pulu isə qrant şəklində alacaq.

Rəsmilərdən biri qeyd edib ki, AK ödənişlərin oktyabrda başlaya bilməsi üçün sentyabrda Avropa Parlamentinin və Aİ ölkələrinin təsdiqinə ümid edir.

Qeyd edək ki, yeni təklif Almaniyanın Ukraynaya 9 milyard avroya qədər olan kreditləri dəstəkləmək üçün zəmanət verməkdən imtina etməsindən sonra ortaya çıxıb. Almaniyanın maliyyə naziri Kristian Linder vəsaitin ayrılmasına qarşıdır. O, artıq COVID-19 pandemiyası zamanı olduğu kimi, ümumi Avropa borcu vasitəsilə Ukraynaya yardım göstərməyi bəyənmir.

Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.