Siyasət

Paşinyan Lavrovun Bakı bəyanatından "şoka düşüb"

28 İyun 2022 08:29
0 Şərh     Baxış: 1 120

Rusiya XİN rəhbəri Sergey Lavrovun ATƏT-in Minsk Qrupu ilə bağlı Bakıda səsləndirdiyi bəyanat, yumşaq desəm, çox qəribədir.

Milli.Az axar.az-a istinadən bildirir ki, bu sözləri Ermənistan Baş naziri Nikol Paşinyan onlayn rejimdə keçirdiyi mətbuat konfransında deyib.

O iddia edib ki, 19 aprel 2022-ci ildə Rusiyaya səfəri zamanı Prezident Putinlə birgə bəyanat imzalayıb:

"O bəyanatda bildirilir ki, biz Dağlıq Qatabağ konfliktinin nizamlanması üçün ATƏT-in Minsk Qrupunun potensialından istifadə edərək əməkdaşlıq etməliyik".

Paşinyan Minsk Qrupunun həmsədr ölkələrinin və qrupun özünün fəaliyyətini dayandırdığını elan etmədiyini bildirib.

Qeyd edək ki, Rusiya dəfələrlə ABŞ və Fransanın Rusiya ilə əməkdaşlıq etməməsi səbəbindən Minsk Qrupunun artıq tam iflic olduğunu elan edib. Lavrov özü də 8 apreldə erməni həmkarı Ararat Mirzoyanla Moskvada görüşərkən, "Vaşinqton və Paris rusofobiyaya görə Moskva ilə bu formatda (Minsk Qrupu - red.) əlaqə saxlamayacaqlar" demişdi.

Rusiya, Fransa və ABŞ da MQ-dəki həmsədrləri "Qafqaz üzrə nümayəndələr" olaraq təyin ediblər və de-fakto əməkdaşlığı dayandırıblar. Bu nümayəndələr də regiona ayrı-ayrılıqda səfər edirlər.

Xatırladaq ki, Lavrov Bakıya son səfərində (23-24 iyunda) "ATƏT-in Minsk Qrupunun amerikalı və fransalı iştirakçıların təşəbbüsü ilə fəaliyyətini dayandırdığını" açıq şəkildə elan etmişdi.

Milli.Az

 

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics