Siyasət

İqtisadiyyatın artım tendensiyası davam edir - Nazir müavini

24 İyun 2022 12:07

Baxış: 700

#İQTİSADİYYAT

2021-ci ildə ölkəmiz üçün nəzərə çarpacaq nailiyyətlər əldə edilib. Bu tendensiya bu il də davam edib. Bu ilin yanvarından maya qədər ÜDM ötən illə müqayisədə 7,5 faiz artıb.

Milli.Az Trend-ə istinadən bildirir ki, bunu Bakıda Qara Dəniz Ticarət və İnkişaf Bankının (QDTİB) 24-cü illik toplantısı çərçivəsində keçirilən "Dəyişən dünyada diversifikasiyalaşmış və innovativ Azərbaycan iqtisadiyyatının dəstəklənməsində QDTİB-nin rolu" adlı Biznes Forumda iqtisadiyyat nazirinin müavini Elnur Əliyev deyib.

O qeyd edib ki, növbəti il üçün əsas məqsəd Azərbaycanın 2030-cu ilə qədər olan milli prioritetlər çərçivəsində inkişafıdır.

"Əsas prioritetlər iqtisadiyyatın rəqabətqabiliyyətli artırılması, sosial ədalətin möhkəmlənməsi, rəqabətqabiliyyətli insan kapitalının yaradılması, işğaldan azad edilmiş ərazilərin bərpa edilməsi, ətraf mühitin qorunmasıdır.

Bu prioritetlərin tətbiq edilməsi ölkənin davamlı inkişafında mühüm rol oynayır", - deyə nazir müavini vurğulayıb.

Milli.Az