Siyasət

“Ukrayna Qərbi münaqişəyə cəlb edir” - Lavrov

2 İyun 2022 08:02

2 Şərh Baxış: 431

#RUSİYA-UKRAYNA MÜHARİBƏSİ

Rusiyanın xarici işlər naziri Sergey Lavrov Ukrayna administrasiyasını Qərb ölkələrini münaqişəyə cəlb etmək üçün təxribat xarakterli addımlar atmaqda ittiham edib.

Milli.Az "qafqazinfo"-ya istinadən xəbər verir ki, Lavrov bu haqda Səudiyyə Ərəbistanının paytaxtı Ər-Riyadda keçirilən mətbuat konfransında danışıb.

"Belə bir risk, şübhəsiz ki, mövcuddur. Kiyev administrasiyasının Qərb himayədarlarından istədikləri anlaşma hüdudlarından kənardadır. Bu, Qərbi hərbi əməliyyatlara cəlb etməyə yönəlmiş təxribatdır", - Lavrov bildirib.

Lavrov Avropada bu münaqişəyə qoşulmağa hazır olan siyasətçilərin olduğunu qeyd edib:

"Avropada bu münaqişəyə qoşulmağa hazır olan siyasətçilər var. Lakin ciddi ölkələr bu cür ssenarilərin risklərini anlayır".

Milli.Az