Siyasət

BMT İrana qarşı sanksiyaları ləğv etməyə çağırıb

19 May 2022 23:21
0 Şərh     Baxış: 721

BMT Təhlükəsizlik Şurasının razılığı olmadan ABŞ və digər ölkələrin Tehrana qarşı tətbiq etdiyi birtərəfli sanksiyalar ləğv edilməlidir.

Milli.Az Trend-ə istinadən bildirir ki,  bu barədə BMT-nin birtərəfli məcburi tədbirlərin insan hüquqlarına mənfi təsiri üzrə xüsusi məruzəçisi Yelena Dovqan İrana səfərindən sonra deyib.

Xüsusi məruzəçi xatırladıb ki, ABŞ 1970-ci illərin sonlarından etibarən İrana qarşı sanksiyalar tətbiq edir və bu tədbirlər dəfələrlə genişləndirilib.

Y.Dovqan əlavə edib ki, Avropa İttifaqı 2010-cu ildə İrana qarşı hərtərəfli iqtisadi və ticarət sanksiyaları, 2012-ci ildə isə neft embarqosu tətbiq edib. Tehrana qarşı məhdudiyyətlər Avstraliya, Böyük Britaniya və Kanada da daxil olmaqla bir sıra digər ölkələr tərəfindən də qoyulub. İranın xarici hesablarda dondurulmuş aktivləri 100-120 milyard dollar həcmində qiymətləndirilir.

Milli.Az

 

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics