Siyasət

Əli Kərimli bu addımı da atdı - Feyk, yalan xəbərlərlə gündəmdə qalmaq...

6 Aprel 2022 10:56

Baxış: 2 186

#İÇ SİYASƏT

Özünə siyasətçi deyən şəxsin faciəsi o zaman başlayır ki, tək cəmiyyətdə deyil, öz partiyadaşları arasında da nüfuzunu itirir. O zaman ən optimal çıxış yolu seçdiyi peşəni dəyişib, daha məqbul bir iş seçmək olardı. Dünyanın bütün sivil ölkələrində belə praktika mövcuddur. Təəssüflər olsun ki, özünü əsl müxalifət adlandıran, lakin cəmiyyətdə heç bir nüfuzu qalmayan AXCP sədri Əli Kərimli bu addımı atmağa tələsmir.

Ən acınacaqlısı odur ki, partiya sədri paylaşdığı videolara baxış sayının minimal həddə olduğunu görüb qeyri-adi, siyasətçiyə yaraşmayan addımlara əl atır. Əli Kərimlinin populist çıxışları, nəinki tutarlı faktdan deyil, adi feyk xəbərdən belə yararlanmaq cəhdi bu adamın nə qədər cılız olduğunu, siyasi mübarizə məqsədilə şəhidlərin, qazilərin, Vətən müharibəsi əlillərinin və iştifakçılarının adından yararlanmağa çalışdığını aydın göstərir.

Məsələn, adi bir misal, Əli Kərimli guya Ukraynada həlak olan hərbçinin ailəsinə 510 min dollar pul verildiyini iddia edir. 10 min nəfər hərbçi üçün bu, 5,1 milyard dollar edir. Bütün iqtisadiyyatı iflic vəziyyətə düşmüş, hərbi, iqtisadi infrastrukturu dağıdılmış, Qərbin maliyyə, hərbi, humanitar yardımına möhtac qalan, hazırda müharibənin fəal fazasında olan bir ölkə üçün bu məbləğin ödənilməsinin mümkünlüyü yalnız xəstə təxəyyülün məhsulu ola bilər. Özünə az da olsa hörmət edən siyasətçinin, partiya sədrinin sosial mediada yayılan, müxtəlif rəsmi və ya qeyti-rəsmi şəxslr tərəfindən propaqanda məqsədi ilə dövriyyəyə buraxılan bu tipli iddialara əsaslanması utancverici haldır. Görünür Əli Kərimli və ətrafı artıq mövzu tapa bilmir və ümidləri feyk xəbərlərə qalıb.

Kamran Seyidov
Milli.Az