PUL
"TrendForce" analitiklərinin məlumatına görə, 2017-ci ildə smartfon istehsalçıları ümumilikdə təxminən 1,46 milyard aparat istehsal ediblər ki, bu da 2016-cı ilin göstəricisini 6,5% ötür.
Milli.Az ICTnews-a istinadən bildirir ki, bununla belə, cari ildə mütəxəssislər zəif artım tempi proqnozlaşdırırlar, çünki smartfon istehsalçıları komponentlərin bahalaşması səbəbindən xərclərin artması ilə üzləşəcəklər. "TrendForce" şirkətinin qiymətləndirməsinə görə, 2018-ci ildə smartfonların illik istehsal həcmi 5% yüksələrək 1,53 milyard aparat təşkil edəcək.
Ayrı-ayrı şirkətlərin nəticələrini xarakterizə edən analitiklər bildiriblər ki, 2017-ci ildə smartfon sahəsinin lideri "Samsung" şirkəti ötən ilin nəticəsini 3% yaxşılaşdıraraq 320 milyon aparat istehsal edib. Mütəxəssislər hesab edirlər ki, 2018-ci ildə Cənubi Koreya nəhəngi smartfon bazarında birinci yeri qoruyub saxlayacaq, amma xəbərdarlıq edirlər ki, həm yüksək dərəcəli aparatlar seqmentində, həm də ucuz qurğular kateqoriyasında güclü rəqabət baxımından "Samsung" smartfonlarının istehsal həcmi 3% azalacaq.
Dünyada ikinci böyük smartfon istehsalçısı olan "Apple" korporasiyası 2017-ci ildə "iPhone" istehsalını 3% artırıb. Analitiklər 2018-ci ildə 7,5%-lik artım proqnozlaşdırıblar.
Milli.Az
Digər maraqlı xəbərlər Milli.Az-ın Facebook səhifəsində
Milli.Az-ın ən mühüm və maraqlı xəbərlərini "Telegram"da izləyin
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
