Mobil telefon

LTE bazarı canlandırdı

19 Mart 2015 23:47
0 Şərh     Baxış: 2 231
VTB-də minimal faiz dərəcəsi ilə nağd kredit 9.9%-dən
#TEXNOLOGİYA #MOBİL TELEFON #WİRELESS
LTE şəbəkələrinin inkişafı sayəsində dünya mobil infrastruktur üçün avadanlıq bazarında mədaxil 10 faiz artaraq 2014-cü ilin yekunları üzrə 46,8 milyard dollar təşkil edib. Bu barədə Infonetics Research tədqiqat şirkətinin məlumatında deyilir.

Biz həmişə bu fikirdə olmuşuq ki, LTE bütün mobil infrastruktur bazarını canlandıracaq və bu, hazırda baş verir. 2014-cü ildə LTE seqmentində mədaxil 2013-cü illə müqayisədə 69 faiz artıb, - şirkətin aparıcı analitiki Stefan Teral deyib.

Milli.Az ICTnews-a istinadən bildirir ki, ötən il 4G/LTE mobil infrastruktur üçün avadanlığın satışından 22 milyard dollar, 2G/3G şəbəkələrindən 25 milyard dollar qazanc əldə olunub.

Bununla yanaşı, analitiklər güman edirlər ki, LTE şəbəkələrinin tikinti miqyası artıq ən yüksək həddə çatıb. Bu səbəbdən 2016-cı ildən bazar 5G-nin tətbiqinədək davam edəcək uzunmüddətli tənəzzül dövrünə daxil olacaq.

Infonetics-in proqnozuna görə, 2019-cu ildə mobil infrastruktur (2G/3G/4G) üçün avadanlıq bazarının ümumi həcmi 2014-cü ildəki 47 milyard dollardan 27 milyard dollaradək azalacaq.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.