Kulinariya

Mətbəx sirləri: Badımcan dolması

5 May 2015 07:00
0 Şərh     Baxış: 6 626
VTB-də minimal faiz dərəcəsi ilə nağd kredit 10.49%-dən
#KULİNARİYA
Milli.Az Kəpəz TV-yə (Region TV) istinadən badımcan dolmasının hazırlanma qaydasını təqdim edir

Tərkibi: 

10 badımcan
10 bibər
10 pomidor
1 kq mal əti
200 q quyruq
2 soğan
keşniş
şüyüd
reyhan
duz, istiot

Əvvəlcə qiyməni hazırlamaq lazımdır. Bunun üçün əti ətçəkən maşının iri gözündən çəkib, üzərinə doğranmış soğan və duz əlavə edib bişirin. Qiymənin suyu çəkilib, hazır olana yaxın pomidorların içərisinin sulu hissəsini çıxarın, xırdalayıb ətin üzərinə əlavə edib 5 dəqiqə də belə qovurun. Qiymə tam hazır olduqda doğranmış göyərtiləri əlavə edib, qarışdırıb ocağı söndürün.

Sonra tərəvəzlər hazırlanır. Əvvəlcə bibərin saplaq hissəsini qapaq formasında kəsib içinin tumlarını təmizləyin, sonra badımcanın qabığını 1-2 yerdən soyub, orta hisəsini kəsib çıxarın. Sonra içləri çıxarılmış tərəvəzləri duzlayıb-istiotlayın və hazırladığınız qiymədən doldurun. Badımcanların əvvəlcədən kəsib-çıxardığınız iç hissələrini tavanın dibinə yığıb (belə etdikdə dolmaların alt hissəsinin yanma ehtimalı az olar) üzərinə yağ və bir az da su tökün. Pomidor və bibərlərin də içini qiymə ilə doldurduqdan sonra kəsdiyiniz üst hissələrini qapaq formasında üzərinə qoyub, badımcanlarla birgə tavaya yığın. Tavanı əvvəlcə qaynar ocağın üstünə qoyun, yeməyin suyu qaynayan kimi, alovu azaldıb, zəif odda 1-1,5 saat bişirin. Badımcanlar yumşaldıqda yemək bişmiş sayılır. Badımcan dolmasının yanında süfrəyə sarımsaqlı qatıq da vermək olar.

Nuş olsun!

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.