Keksə un əvəzinə nə qatmaq olar?

Keksdə unun əsas vəzifəsi struktur yaratmaq və inqrediyentləri birləşdirməkdir. Lakin bu funksiyanı yerinə yetirən və hətta keksin dadını daha "premium" edən təbii vasitələr var:

Milli.Az xəbər verir ki, qurudulmuş tutları blenderdə toz halına gətirərək un əvəzi istifadə edə bilərsiniz.

Tərkibindəki təbii şəkər sayəsində keksə əlavə şəkər qatmağa ehtiyac qalmır.

Alma, darçın və ya köklü kekslərdə möhtəşəm nəticə verir. Bir az nişasta ilə qarışdırdıqda daha homogen bir toxuma əldə edilir.

İncə üyüdülmüş qoz-fındıq unun ən keyfiyyətli alternativlərindən biridir.

Tərkibindəki təbii yağlar keksin qurumasının qarşısını alır, ona nəm və yumşaq bir forma verir.

Şokoladlı kekslərdə fındıq tozu istifadə etmək keksə butik şirniyyat evi abhavası qatacaqdır.

Evdə un yoxdursa, yulaf əzməsini saniyələr içində blenderdən keçirib öz ununuzu hazırlayın.

Mayeni çəkmə gücü yüksəkdir, xəmirin içini tox və nəm saxlayır.

Qarışığı hazırladıqdan sonra bir neçə dəqiqə gözləyin ki, yulaf mayeni tam çəksin və keks sobada daha yaxşı qabarsın.

Kokos unu buğda ununa nisbətən daha çox maye udduğu üçün çox az miqdarda istifadə etmək kifayətdir.

Keksə süngərvari və yüngül bir toxuma bəxş edir.

Kokos unu istifadə edərkən reseptdəki yumurta sayını və ya maye miqdarını bir az artırmaq lazımdır.

Qulağa qəribə gəlsə də, bişmiş və püre halına gətirilmiş ağ lobya və ya noxud unun yerini əla tutur.

Kakao və şəkərlə birləşdikdə paxlalıların dadı tamamilə itir, geriyə isə "brownie" kıvamında, nəm bir daxili quruluş qalır.

Pürenin tamamilə hamar (pürüzsüz) olmasına diqqət edin.

Qarabaşaq və kinoa unu
Bu unlar keksə daha fındıqvari və fərqli bir dad qatır.

Sobada klassik kekslər kimi mükəmməl şəkildə qabarırlar.

Qarabaşaq ununun tünd rəngi bəkməz və ya balla hazırlanan reseptlərə xüsusilə yaraşır.

Alternativ unlarla işləyərkən bir yemək qaşığı qarğıdalı və ya kartof nişastası əlavə etmək xəmirin daha yaxşı tutmasına kömək edir.

Xüsusilə yulaf və ya kokos unu istifadə edərkən xəmirin çox quru olmamasına diqqət edin, ehtiyac olarsa bir az süd və ya qatıq əlavə edin.

Lalə Qüdrətova
Milli.Az