Kulinariya

Arpa şəhriyyə şorbası resepti

13 Fevral 2026 07:07
Baxış: 1 684
VTB-də minimal faiz dərəcəsi ilə nağd kredit 9.9%-dən
#KULİNARİYA

Bu şorba tərkibindəki qatıq və limon sayəsində həm kremli bir teksturaya, həm də yüngül turşməzə dada malikdir. Hazırlanması cəmi 20-25 dəqiqə çəkir.

Milli.Az lazım olan ərzaqları təqdim edir:
Arpa şəhriye: 1 çay stəkanı

Su (və ya bulyon): 5-6 stəkan (toyuq suyu ilə daha ləzzətli olur)

Kərə yağı: 1 xörək qaşığı

Bitki yağı: 1 xörək qaşığı

Duz: Zövqə görə

Tərbiyəsi (Sousu) üçün:

Qatıq: 1 stəkan

Yumurta sarısı: 1 ədəd

Limon suyu: Yarım limonun suyu

Un: 1 xörək qaşığı (dolu olmayan)

Hazırlanma qaydası:
Qazana kərə yağı və bitki yağını əlavə edib əridin. Arpa şəhriyələri əlavə edərək rəngi bir az dönənə qədər qovurun.

Üzərinə isti suyu (və ya toyuq suyunu) əlavə edin. Şəhriyələr tam yumşalana qədər orta odda bişirin.

Şəhriyələr bişərkən bir qabda qatıq, yumurta sarısı, un və limon suyunu tam hamar olana qədər çırpın.

Bişən şorbanın suyundan bir çömçə götürüb yavaş-yavaş qatıqlı qarışığa əlavə edin və sürətlə qarışdırın.

Hazırladığınız ilıq qatıqlı qarışığı qazana incə bir axınla tökün və eyni zamanda şorbanı qarışdırmağa davam edin.

Şorba bir-iki burum qaynadıqdan sonra duzunu əlavə edin (duzu əvvəlcədən tökmək qatığı çürüdə bilər).

Tavada kərə yağını qızdırıb üzərinə bir az quru nanə və ya pul bibər əlavə edərək şorbanın üzərinə gəzdirin. İsti-isti servis edin.

Şorbanızın rənginin daha parlaq olması üçün toyuq suyundan istifadə etməyiniz və servis zamanı təzə cəfəri əlavə etməyiniz tövsiyə olunur.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.