Kulinariya

Toyuğu yumşaq və sulu bişirməyin üsulları - Aşpazların sirri bunlardır

10 Fevral 2026 01:01

Baxış: 6 307

VTB-də minimal faiz dərəcəsi ilə nağd kredit 9.9%-dən

#KULİNARİYA #MƏTBƏX #RESEPTLƏR

Toyuğu ev şəraitində hazırladıqda çox vaxt onun daha quru bişməsinə səbəb olur. Halbuki, çöldə hazır alınan toyuqlar daha sulu və yumşaq olur.

Milli.Az-ın məlumatına görə, evdə bişirərkən isə bəzi təbii üsullardan istifadə etməklə eyni nəticəni əldə etmək mümkündür:

Qatıqla marinad: Qatıq tərkibindəki təbii turşular sayəsində toyuq ətinin liflərini boşaldır. Ən azı 2-3 saat marinad edilən toyuq bişərkən öz suyunu içində saxlayır və ətin hər hissəsinə bərabər yumşaqlıq verir. Xüsusilə soba və tavada bişirmə üçün çox uyğundur.

Zeytun yağı və ədviyyatlar: Zeytun yağı toyuğun səthində qoruyucu qat yaradaraq bişirmə zamanı su itkisini azaldır. Ədviyyatlarla birlikdə istifadə edildikdə ətin içinə nüfuz edir və liflərin sərtləşməsini ləngidir. Ən azı 1 saatlıq marinad soba və tavada bişirmədə aydın fərq yaradır. Ət daha sulu və yumşaq qalır.

Soğan suyu: Soğan suyu tərkibindəki təbii fermentlər sayəsində ət liflərini yumşaldır. Rəndələnmiş soğanın suyu toyuğun üzərinə çəkib qısa müddət gözlədikdə ət daha asan bişir. Eyni zamanda yeməyə təbii dad qatır və kimyəvi yumşaldıcılara ehtiyacı aradan qaldırır.

Bal marinadı: Bal tərkibindəki təbii şəkər və fermentlər sayəsində toyuğun səthində nəm saxlayan qat yaradır. Qısa müddətli istifadə edildikdə ətin suyunu içində saxlamasına və yumşaq qalmasına kömək edir. Az miqdarda bal qatıq və ya zeytun yağı ilə birlikdə istifadə edildikdə yanma yaratmır. Xüsusilə sobada bişirilən toyuqlarda nəzərəçarpacaq dərəcədə sululuq təmin edir.

Mina Mikayılova
Milli.Az