Kulinariya

Mandarinli bişməyən peçenye resepti

6 Fevral 2026 23:00

Baxış: 4 323

VTB-də minimal faiz dərəcəsi ilə nağd kredit 9.9%-dən

#KULİNARİYA

Təravətləndirici sitrus aroması ilə seçilən bu peçenye, vaxtı az olanlar üçün ideal və sağlam bir seçimdir.

Milli.Az lazım olan inqrediyentləri təqdim edir:

1 stəkan badam unu (istəyə görə yulaf, fındıq və ya kokos unu ilə əvəz edilə bilər).

2 ədəd mandarin şirəsi.

2 yemək qaşığı kokos yağı.

2 yemək qaşığı bal.

3 yemək qaşığı kokos rəndəsi.

1 kasa kokos unu (üzərinə bulamaq üçün).

Hazırlanma Qaydası
Geniş bir qaba badam ununu tökün. Üzərinə mandarin şirəsini, balı və (əridilmiş) kokos yağını əlavə edin.

Bütün inqrediyentləri spatula ilə qarışdırın. Sonra kokos rəndəsini əlavə edərək yumşaq, formaya düşən bir xəmir əldə edənə qədər yoğurun. Əgər xəmir çox duru olarsa, bir az da badam unu əlavə edə bilərsiniz.

Xəmirdən qoz böyüklüyündə parçalar qopardıb ovucunuzun içində yuvarlayın.

Hazırladığınız topları kokos ununa (və ya rəndəsinə) bulayaraq hər tərəfinin örtülməsini təmin edin.

Peçenyeləri servis boşqabına düzün və özünü tutması üçün soyuducuda təxminən 20-30 dəqiqə dincəldin.

Bal yerinə xurma bəhməzi, kokos yağı yerinə isə kərə yağı istifadə edə bilərsiniz.

Mandarinin qabığının narıncı hissəsini rəndələyib xəmirə qatsanız, aroması daha kəskin olar.

Üzərini kokos yerinə kakao, üyüdülmüş püstə və ya şəkər kirşanı ilə də bəzəyə bilərsiniz.

Əgər xəmir əlinizə yapışırsa, forma verməzdən əvvəl xəmiri 5-10 dəqiqə soyuducuda saxlayın.

Peçenyeləri soyuducudan çıxardıqdan sonra 2-3 dəqiqə gözləyib servis edin ki, daxili daha yumşaq olsun.

Lalə Qüdrətova
Milli.Az

Milli.Az - Xəbər Portalı

Mandarinli bişməyən peçenye resepti

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?