Kulinariya

Çölü küncütlü xırtıldayan, içi yumşaq kakaolu peçenye

17 Yanvar 2026 08:23

Baxış: 1 847

VTB-də minimal faiz dərəcəsi ilə nağd kredit 9.9%-dən

#KULİNARİYA

Klassik şirniyyatlardan darıxanlar üçün bu resept həm teksturası, həm də ləzzəti ilə fərqlənir. Peçenyanın xaricindəki qovrulmuş küncütlər ona qeyri-adi xırtıltı verir, kakaolu iç hissəsi isə ağızda dağılan yumşaqlığa malikdir.

Milli.Az xəbər verir ki, mükəmməl nəticə üçün bu məqamlara diqqət yetirməlisiniz:

Peçenye xəmirinin ideal olması üçün kərə yağı mütləq otaq temperaturunda yumşalmış olmalıdır. Unu tədricən əlavə edərək "qulaq məməsindən" bir az daha yumşaq, ələ yapışmayan bir xəmir əldə etmək lazımdır. Xəmirin içindəki kakao və şəkər nisbəti tarazlı olmalıdır ki, küncütün dadını kölgədə qoymasın.

Peçenyanın xaricinin daha ləzzətli və qoxulu olması üçün küncütləri istifadə etməzdən əvvəl tavada rəngi bir az dönənə qədər qovurmaq olar. Lakin qovurmadan da istifadə etmək mümkündür; sobada da kifayət qədər qızaracaqlar.

Küncütlərin peçenyaya bərabər şəkildə yapışması və tökülməməsi üçün hazırladığınız xəmir toplarını əvvəlcə bir az yumurta ağına, sonra isə bol küncütə batırmalısınız. Bu üsul küncütlərin bişərkən də sabit qalmasını təmin edir.

Kakaolu peçenyalarda bişmə dərəcəsini anlamaq rənginə görə çətin ola bilər. Orta hesabla 170-180 dərəcədə 15-20 dəqiqə kifayətdir. Peçenyalar sobadan çıxanda hələ yumşaq olmalıdır; soyuduqca kənarları xırtıldayan, içi isə ideal yumşaqlıqda olacaq.

Lalə Qüdrətova
Milli.Az

Milli.Az - Xəbər Portalı

Çölü küncütlü xırtıldayan, içi yumşaq kakaolu peçenye

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?