Ermənistan-Azərbaycan münaqişəsi

Ermənilər Bərdənin kəndini su altında qoymaq istəyirlər

10 Fevral 2010 11:35
Baxış: 168
VTB-də minimal faiz dərəcəsi ilə nağd kredit 9.9%-dən
#AZERBAİJAN
ANS PRESS-in məlumatına görə, onlar işğal altındakı Sərsəng su anbarından normadan artıq su buraxıblar ki, bu da Tərtər çayının Bərdə rayonundan keçən hissəsində sahili yuması ilə nəticələnib. Qəsəbədə kritik vəziyyət yaranıb.

Hazırda Bərdə Suvarma Sistemləri İdarəsinin 2 ədəd texnikası ərazidə bəndvurma işlərinə başlayıb.

İdarənin baş mühəndisi Nəriman Mahmudovun sözlərinə görə, ermənilər istədikləri zaman ziyan vurmaq məqsədiylə çayda suyun səviyyəsini artırır. Bu da Azərbaycanın nəzarətində olan ərazilərdə fəsadların meydana çıxmasına yol açır.

Baş mühəndis bildirib ki, ötən ilin sentyabr ayından indiyə qədər ərazidə 20 dəfə bəndvurma işləri aparılıb. "Hər dəfə yenilənsə də, beton bənd olmadığı üçün çay həmin bəndləri aşırıb. Bu gecə çayın səviyyəsi artdığından yenidən bəndlər dağılıb".

Qeyd edək ki, "Regionların sosial iqtisadi inkişafı" dövlət proqramına əsasən Tərtər çayında mərhələli şəkildə illər üzrə bəndvurma işləri aparılmalıdır. Artıq çayın şəhərin içindən keçən hissəsində bu işlərin bir hissəsi yekunlaşıb.

Bərdə Rayon İcra Hakimiyyətindən verilən məlumata görə, bu il üçün 500 min manat vəsait ayrılıb. Çayın Zümürxan kəndi ərazisindən keçən hissəsində də sahilə beton bənd çəkiləcək.

ANS PRESS

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.