İran

İranda qaz xətti partladı: ölənlər və yaralananlar var

25 May 2024 13:17
Baxış: 877
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

İranın qərbində yerləşən İlam vilayətinin Abdanan şəhərində qaz boru xəttinin partlaması nəticəsində 2 nəfər ölüb, 2 nəfər xəsarət alıb.

Milli.Az Trend-ə istinadən xəbər verir ki, bunu İranın Abdanan rayonu qubernatoru Məhəmməd Rəhmani deyib.

Onun sözlərinə görə, özəl rabitə şirkətlərindən biri tərəfindən qazıntı aparılarkən təhlükəsizlik məsələlərinə riayət olunmadığı üçün qaz boru xəttində partlayış baş verib.

"Hadisə nəticəsində iki fəhlə ölüb, biri də yaralanıb. Hadisə nəticəsində bir yaşayış binası tamamilə dağılıb və bir nəfər yaralanıb", - deyə o qeyd edib.

Qeyd edək ki, fevral ayında İranın Fars və Çahar-Mahal və Bəxtiyari vilayətlərində magistral qaz xətti partladılıb. Nəticədə müəyyən ərazilərdə qaz verilişində məhdudiyyət yaranıb.

Milli.Az
Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.