Bu gün İranın cənub-şərqində yerləşən Sistan və Bəluçestan vilayətində magistral yolda terror aktı törədilib.
Milli.Az Trend-ə istinadən bildirir ki, bu barədə İran KİV-i məlumat verib.
Məlumata əsasən, terrorçular iki polis avtomobilinə hücum ediblər. Nəticədə 6 polis məmuru öldürülüb və bir neçə nəfər də yaralanıb.
Qeyd edilir ki, "Ceyş əl-Ədl" terror qruplaşması terror aktının məsuliyyətini üzərinə götürüb.
Xatırladaq ki, son günlər İranın Sistan və Bəluçestan vilayətində polis məmurları və hərbçilərin ölümü ilə nəticələnən ardıcıl bir neçə terror aktları baş verib.
Milli.Az
Xəbərlərimizi WhatsApp kanalımızdan da oxuyun