İran

İran ordusunu döyüş vəziyyətinə gətirdi: səbəb Azərbaycandır - SENSASİON DETALLAR

16 Mart 2023 10:52
Baxış: 4 260
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Fars molla rejiminin Azərbaycana qarşı çirkin kampaniyası, təxribatları səngimir. Gah Azərbaycan səmasında təyyarələrini uçurur, gah da məktəbli şagirdləri Xudafərin körpüsünə gətirib hərbi marş oxutmaqla əyani formada da təhdidlərini ifadə edir. Mediada isə Azərbaycan düşmən kimi təqdim olunur, ölkəmizin öz torpaqlarında atacağı hər hansı hərbi addıma cavab veriləcəyi deyilir. Göründüyü kimi, mollalar açıq şəkildə ölkəmizi savaşla hədələyir. Elə sərhədimizə göndərilən hərbi təyyarə və İranın Qarabağa 4 min terrorçu göndərmək planının ifşası da bu təhdidlərin ilk işartıları idi. Qardaş Türkiyənin "SuperHaber" portalı da son vaxtlar İranın artan təxribatlarına toxunub və sensasiya sayıla biləcək təfərratları araşdırıb. 

"Diplomatik mənbələr İranın ordunu döyüşə hazır vəziyyətə gətirməsinin səbəbinin Bakı olduğunu bildirir", deyə xəbərdə deyilir. Əlavə edilir ki, "hələlik daxili təlatümləri yatıran İranın bölgəsində baş verən bəzi hadisələrə biganə qalmayaraq hücuma keçdiyi üzə çıxıb. İrana məxsus döyüş təyyarəsinin ötən həftə Azərbaycanın Zəngilan şəhəri üzərində sərhədi pozduğu məlum olub.

Digər tərəfdən, İran İnqilabı Keşikçiləri Korpusunun media bölməsi olan Sepah News-un ordunun sayıqlığı və Tehranın bəyanatından sonra "qırmızı xəttimiz" adlandırdığı xəbərdaredici video yayımladığı məlum olub. Videoda görüntülər İran ordusu və ağır silahları, Türkiyə xəritəsi, ay-ulduzlu bayraq və Zəngəzur dəhlizinin xəritəsi hazırlanır və Sepah News-un videosu ilə İranın Azərbaycandan "qırmızı xəttini" çəkərək Türkiyəni qorxutduğu iddia edilir", deyə portal yazır.

Beləliklə, 44 günlük Vətən müharibəsinin nəticələri ilə İran heç cürə barışmaq istəmir. Regionda Azərbaycanın lehinə hər hansı dəyişikliklər gündəmə gəldikdə, mollakratiyadan təhdid səslərinin gəlməsi də bünu təsdiq edir. Tək bir fakt - İran mətbuatında bir gün ərzində ölkəmiz əleyhinə yazılan hədələr 30 illik işğal dövründə heç Ermənistana olmayb...

Azər Nuriyev
Milli.Az

 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.