PUL
.jpg)
"İran rejimi, çox güman ki, bayram şənliklərinin rejim əleyhinə nümayişlərə təkan verə biləcəyindən ehtiyat edir".
Milli.Az "Report"a istinadən xəbər verir ki, bu barədə ABŞ-ın Müharibə Araşdırmaları İnstitutu məlumat yayıb.
Bildirilib ki, mövcud rejim qarşıdan gələn bayramlarla əlaqədar planlaşdırılan nümayişlərin qarşısını almağa çalışır:
"Bu məqsədlə təhlükəsizlik qüvvələri səfərbər oluna bilər. Tehran əyalətinin hüquq-mühafizə orqanlarının komandanı, briqada generalı Abbas Əli Məhəmmədi dünən, martın 13-də deyib ki, bu gündən etibarən Tehranın hər yerində təhlükəsizlik qüvvələri yerləşdiriləcək".
Məlumata görə, İranda kütləvi zəhərlənmələr davam edir: "Martın 11-13-də ən çox tələbə zəhərlənmələri Xuzistan və Kürdüstan əyalətlərində baş verib. Həmin ərazilər Məhsa Əmaninin ölümü ilə əlaqədar ektiraz aksiyalarının ən güclü şəkildə davam etdiyi 2 əyalətdir. İranın ictimai xadimləri son aylarda davam edən zəhərlənmələrlə əlaqədər rejimi ittiham edirlər. Həmçinin keçmiş Prezident Məhəmməd Xətami də kütləvi zəhərlənmələrə görə rejimi tənqid edir".
Qeyd edək ki, fevralın 15-dən İranda tələbə qızların kütləvi zəhərlənməsi halları geniş yayılıb.
Xatırladaq ki, İranda etiraz aksiyaları ötən il sentyabrın 17-də 22 yaşlı Məhsa Əmininin işgəncə nəticəsində öldürülməsindən sonra başlayıb.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.png)
