İran

"İran türkçülüyü də sevmir, ancaq..."

5 Dekabr 2022 15:56

Baxış: 1 037

VTB-də minimal faiz dərəcəsi ilə nağd kredit 9.9%-dən

#IRAN

İran türkçülüyü də sevmir, ancaq Azərbaycançılıq bizim üçün vətən anlayışını ifadə edir və İran bu anlayışı silmək istəyir.

Milli.Az Trend-ə istinadən xəbər verir ki, bunu bu gün Güney Azərbaycan televiziyasının (GünAz Tv) rəhbəri Əhməd Obalı Sosial Tədqiqatlar Mərkəzinin (STM) keçirdiyi "İran yeni baxış bucağında" adlı tədbirdə deyib.

O qeyd edib ki, əsas məqsəd bizi vətən, Azərbaycan anlayışından uzaqlaşdırmaq olub.

"İran dövləti Azərbaycançılıq qarşısında hətta türkçülüyü istifadə edib, edir. İran türkçülüyü də sevmir, ancaq Azərbaycançılıq bizim üçün vətən anlayışını ifadə edir və İran bu anlayışı silmək istəyir.

Güney azərbaycanlılarının vahid koordinasiya mərkəzinin yaradılması yaxşı nəticələrə səbəb ola bilər",- deyə Ə.Obalı bildirib.

Milli.Az