Maraqlı

Balıqdan bu xəstəliklərə tutula bilərsiniz - SİYAHI

25 Sentyabr 2021 17:30
0 Şərh     Baxış: 1 264
VTB-də minimal faiz dərəcəsi ilə nağd kredit 9.9%-dən

Azərbaycan Qida Təhlükəsizliyi İnstitutu balıqlardan insanlara yoluxan parazitar zoonoz xəstəliklər barədə məlumat yayıb.

Qurumdan Milli.Az-a verilən məlumata görə, çiy və müvafiq termiki təsirdən keçməmiş balıq məhsullarının istehlakı ilə insanlara yoluxan biohelmintozlar intoksikasiya, dispepsiya, allergiya, hematoloji problemlər və digər patologiyalarla nəticələnir:

Anizakidoz - zoonoz nematodoz olub, Ankisakis cinsli helmintlər tərəfindən törədilən xəstəlikdir. Anizakis sürfələri -18° C temperaturda 14 gün, -20° C-də 4-5 gün, -30° C-də isə 10 dəqiqə müddətində məhv olur.

Opistorxoz - zoonoz trematodoz olub, yastı, lansetvari Opisthorchis felineus və Opisthorchis viverrini helmintləri tərəfindən törədilir. Opisthorchiasis sürfələri -40° temperaturda 7 saat, -35° C-də 14 saat və -28° C-də 32 saat ərzində məhv olur.

Difillobotrioz - zoonoz sestodoz olub, lentvari Diphyllibothrium latum, Diphyllibothrium dendriticum və Diphyllibothrium klebanovskii helmintləri tərəfindən törədilir. Parazit sürfələri - pleroserkoidlər balıqların orqanizmində dərialtı toxuma və daxili orqanlarda məskunlaşır".

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.