Maraqlı

Xoşbəxt deyilsiniz, çünki...

19 Avqust 2021 08:41
0 Şərh     Baxış: 983

Əgər hər səhər yuxudan oyanıb başqa bir insan olmağı arzu edirsinizsə, deməli, bu haqda ciddi düşünməyin vaxtı gəlib çatıb. Başqalarının sahib olduqlarına sahib ola bilmədiyiniz üçün pis ola və şikayətlənə bilərsiniz. Ancaq sizin də sahib olduqlarınıza önəm verməyib özünüzə qarşı haqsızlıq etməyiniz inanın daha yüksəkdi. Ailem.az xoşbəxt olmaq istəyənlərə bəzi məsləhətlər təqdim edir.

Özünüzə haqsızlıq etməyin. Bir günü tamamilə özünüzə həsr etmək necə olar, sizcə? Gün boyu güzgünün önünə keçib ozünüzü incələyin. Sevdiyiniz özəlliklərinizi, başqalarının sizdə bəyəndikləri nədi, sahib olduqlarınızın sizə yaxın olan insanlar üçün nə qədər önəmli olduğunu xatırlayın.

Mükəmməl olmaq istəyinizi bir kənara qoyun. Ətrafınızda mükəmməl hesab etdiyiniz insanlar doğurdanmı mükəmməldi, yoxsa siz onları mükəmməlləşdirmisiniz?!  Mükəmməl insan yoxdu. Həyatda həm uğurlarınız, həm də uğursuzluqlarınız  var, bu, hamının həyatında rast gəlinir.

Duyğularınızı boş hesab etməyin. Yəqin ki, arada "etməliyəm?", ya "etməməliyəm?" sualları arasında qaldığınız hallar olur. Bəs heç olubmu "Özüm nə istəyirəm?" sualına  önəm verəsiniz? İstəklərinizi ciddiyə almamaqla, başqalarının fikri ilə oturub durmaqla özünüzü bədbəxtliyə doğru aparırsınız.

Özünüz olmağa çalışın. Heç özünüz olmamaqdan sıxılmadınız? Ətrafınızdakı insanların dediyi kimi yaşamaqla bədbəxt olursunuz. Ətrafınıza bir baxın, özünüz seçsəniz belə, sevmədiyiniz şeyləri dəyişdirin.

Həyata sarılın. Hər kəsin həyatında sevincli və kədərli anları ola bilər. Ancaq çox insanlar bunları gəlib-keçici qəbul edib həyata sarılmağa çalışır. Kədərli olmağınızla ətrafa saçdığınız mənfi enerji sizi istər-istəməz bədbəxt edəcək.

Son bir çıxış yolu var. O da gülümsəmək. Ən kədərli anınızda belə üzünüzdən təbəssümü əskik etməyin və bunun zaman-zaman həyatınızı necə dəyişdirdiyini görəcəksiniz.              

Milli.Az

35 000 AZN-dək krediti ONLAYN sifariş et!

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.