Maraqlı

Ayaz Mütəllibovdan Elçibəyin oğluna jest

24 İyul 2021 15:54
Baxış: 4 079
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Azərbaycanın sabiq prezidenti Ayaz Mütəllibov xələfi, mərhum dövlət başçısı Əbülfəz Elçibəyin oğlunu təbrik edib.

Milli.Az xəbər verir ki, bu barədə modern.az-a danışan Ayaz Mütəllibov toya hazırlaşan Ərturqut Əliyevə xoşbəxtlik arzulayıb. Lakin eks-prezident Elçibəyin oğlunun onu toyuna dəvət etmədiyini söyləyib:

"Toya dəvət edilməmişəm. Amma ona xoşbəxtlik arzulayıram. Yeni, gənc ailə qurulur. Bir ağsaqqal kimi ancaq xeyir-dua verə bilərəm".

Xatırladaq ki, iyulun 30-da Bakıda keçmiş prezident Əbülfəz Elçibəyin oğlu Ərturqut Əliyevin oğlan toyu keçiriləcək. Onun həyat yoldaşı Aytək Yusifli Elçibəyin qohumu və silahdaşı olmuş Mirhadi Yusiflinin qızıdır.

Ötən gün Modern.az-a açıqlama verən Ərturqut Əliyev atasının bəzi silahdaşlarını toyuna çağırmadığını bildirib. Hazırda Fövqəladə Hallar Nazirliyində çalışan Ə.Əliyev cəbhəçilərdən fərqli olaraq, nazir Kəmaləddin Heydərovu  məclisə dəvət etdiyini vurğulayıb.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.