Maraqlı

Süni yarpaqlar digər planetlərdə sağ qalmaqda yardımçı olacaqlar

13 May 2021 20:20

Baxış: 1 168

VTB-də minimal faiz dərəcəsi ilə nağd kredit 9.9%-dən

#TEXNOLOGİYA

Alimlərdən ibarət beynəlxalq komanda emal olunmuş yosunlar əsasında xüsusi material hazırlayıb və həmin material oksigen ifraz edə bilir. Gözləntilərə əsasən bu yeni texnologiya kosmosda və həyat şəraitinin münbit olmadığı digər planetlərdə enerji əldə etməyə imkan verəcək. Beləliklə əldə olunmuş yeni materialın əsasında emal olunmuş yosunlar dayanırlar. Yosunlar ilk növbədə işığın təsiri ilə gedən fotosintez hesabına enerji ifraz edən elastiki struktura çevrilib. Daha sonra 3D çap sayəsində süni yarpaqlar yaradılıb və həmin yarpaqlar oksigen generasiya etməyi bacarıblar. Nəticədə sözügedən yarpaqları yanacağa çevirmək mümkündür.

Bu cür texnologiya Ayda və ya Marsda yaradılacaq koloniyanı enerji mənbəyi ilə təmin edə bilər. Belə ki, o, kosmik səyahətlər zamanı elektrik enerjisi və yanacaq generasiya edə bilər. Mütəxəssislər bildirirlər ki, 453 qramm yükün Yer kürəsinin orbitinə çatdırılması 10.000$-a başa gəlir. Bu həmçinin suya və oksigenə də aiddir. Süni yarpaqlar isə digər planetlərdəki insanları lazımi resurslar ilə təmin edə bilərlər. Belə ki, Günəş işığına demək olar hər yerdə rast gəlmək olar. Yaradılmış yeni materialın daha bir vacib özəlliyi onun bioloji parçalanmasındadır. Bu cür prosesdən sonra ondan təkrar istifadə mümkündür.

Milli.Az