Maraqlı

“WhatsApp” messencerlər arasında öz mövqeyini itirməyə davam edir

8 Aprel 2021 23:30
Baxış: 868

İlin əvvəlində "WhatsApp" messencerinin rəsmisi istifadəçi razılaşması qaydalarının "Facebook" ilə daha geniş inteqrasiya edilməsi istiqamətində dəyişdiriləcəyini elan etmişdi. Bu səbəbdən istifadəçilər alternativ messencerlər axtarmağa başlayıblar. Bu yaxınlarda dərc edilmiş hesabata görə, "WhatsApp" messenceri hələ də öz mövqeyini itirir.

Milli.Az ictnews.az-a istinadən bildirir ki, istifadəçilər "Signal" messencerini əvvəlkindən daha çox quraşdırmağa başlayıblar. İndi "Signal" messenceri dünyada yükləmələrə və aylıq aktiv istifadəçilərinin sayına görə ən sürətlə inkişaf edən proqramdır.

"Telegram" messenceri isə aylıq aktiv istifadəçilərinin sayına görə dünyada ikinci yerdədir. "Signal" və "Telegram" mobil tətbiqlərinin yükləmələri günbəgün artır.

"WhatsApp"ın yeni qaydaları mayın 15-dən qüvvəyə minir. Həmin qaydaları qəbul etmədikdə messencerdən tam istifadə mümkün olmayacaq.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.