Hamiləlikdə oğlan uşağının ƏLAMƏTLƏRİ

Gələcək valideyinləri hamiləlik zamanı körpənin cinsi çox maraqlandırır. Körpənin cinsini öyrənmək hamiləliyin ən həyəcanlı anlarından biridir. Ən dəqiq körpənin cinsini tibbi vasitələr deyə bilər. Amma xalq arasında hormonal dəyişikliklərin anada yaratdığı fiziki və psixoloji dəyişikliklər körpənin cinsiyyətinin nə olacağına dair inanclar yaradıb.

Milli.Az xəbər verir ki, uşaqların cinsiyyəti ana qarnına düşdüyü ilk andan bəllidir. Amma bunu öyrənmək üçün o ana qarnında böyüməlidir. USM uşaqların cinsiyyətini öyrənmək məqsədilə ən çox istifadə edilən üsuldur. Hamiləliyin 13 və 16-cı həftəsində artıq uşağın cinsiyyətini öyrənmək olur.

Ümumiyyətlə, oğlanların cinsiyyətini qızalara nisbətən daha erkən həftələrdə təsbit etmək mümkündür.

Hamiləlikdə oğlan uşaqlarının əlamətləri nələrdir?

Xalq arasında ana olacaq şəxslərin bəzi əlamətlərinin oğlan uşağına işarə etdiyinə dair inanclar vardır.

Bunlar aşağıdakılardır:

Aşağı nəbz (ürək döytüntüsü): Həkim yoxlanışında uşağınızın nəbzi 140-dan aşağıdırsa bu onun cinsiyyətinin oğlan olacağına işarədir;

Aşağı və sivri qarın: Uşağınız qarnınızda nisbətən aşağıdadırsa və qarnınız da sivri formalıdırsa;

Döşün ölçüsü: Hamiləlikdə süd kanalları açılmağa başladığı üçün döşlərdə böyümə görünür. Bu dövrdə sağ döşün soldakından daha böyük olması xalq arasında oğlan uşağının olacağı deməkdir;

İdrar rəngi: Hamiləlikdə idrar rənginin parlaq sarı rəngdə olması;

Yatış şəkli: Qadınlar hamiləlikdə sol tərəfə doğru yatırsa bu uşağın oğlan olacağı deməkdir;

Gur və parlaq saçlar: Qadınların hamiləlikdə daha gur və parlaq saçlara sahib olması da oğlan uşağı gözlədiyi deməkdir;

Duzlu yeməklər istəmək: Hamiləlikdə ürəyiniz tez-tez turşu kimi qidalar çəkirsə uşağın oğlan olma ehtimalı yüksəkdir.

Oğlan və qız uşaqlarının hamiləlik dövrünün fərqli olduğu illərdir xalq arasında qulaqdan-qulağa yayılıb. Elmdə bu sübut olunmasa da oğlanlar uşaqlarının hamiləliyinin qızlara nisbətən daha asan keçirildiyinə inanılır. Oğlan uşaqlarının ilk həftələrdə çox hərəkətli olmaması və səhər saatlarında qadında bulantı və qusmaya səbəb olmaması bu inanışın səbəbləri olaraq göstərilir. /medicina.az

Milli.Az