Maraqlı

Ötən il 160 milyondan çox tablet satılıb - HESABAT

18 Fevral 2021 20:30

Baxış: 575

#TEXNOLOGİYA

Bazar 28% böyüyüb.

Finaria tərəfindən nəşr olunan hesabatda yalnız Chromebook bazarı yox, planşet bazarı da araşdırılıb. Chromebooklarda olduğu kimi, 2020 də tabletlər üçün yaxşı bir il olub. İl ərzində tədarüklərin ümumi həcmi 160,6 milyon ədədi təşkil edib. Bu da 2019-cu illə müqayisədə 28% çoxdur. Dördüncü rübün nəticələri xüsusilə diqqətəlayiqdir, çünki tədarüklər rekord səviyyədə 52,8 milyon ədədə çatıb.

Milli.Az ted.az-a istinadən bildirir ki, daha spesifik olaraq istehlakçı planşet satışlarının 2020-ci ildə 6% azalmasını gözləyirdilər.

2020-ci ilin real nəticələrinə qayıtsaq, bazar lideri yenə də il ərzində 58,8 milyon cihaz göndərən Apple-dır, bu da 2019-cu illə müqayisədə 24% çoxdur.

Lakin daha əvvəl də qeyd edildiyi kimi, bazar daha sürətli böyüdü, beləliklə, Apple-ın payı 38%-dən 37%-ə düşüb.

2020-ci ilin dördüncü rübündə Apple planşet tədarükü illik müqayisədə 40% artaraq 19,2 milyon ədədə çatıb.

İkinci yeri 2019-cu illə müqayisədə 40% çox olan 31,1 milyon cihaz göndərən Samsung tutub. Nəticədə Cənubi Koreya istehsalçısının payı 18%-dən 19%-ə yüksəlib. İlk beşliyə Huawei, Amazon və Lenovo daxil edilib. Bunlar ildə müvafiq olaraq 16,3 milyon, 15,9 milyon və 14,2 milyon tablet satıb.

Milli.Az