Maraqlı

“PayPal” kriptovalyuta ilə əməliyyatlar aparmağa imkan verəcək

27 Oktyabr 2020 20:40
Baxış: 358

"PayPal" istifadəçilərə kriptovalyuta ilə əməliyyatlar aparmağa imkan verəcək. Ancaq xidmətdən xəbərdarlıq edilib ki, vəsaitin köçürülməsi daha uzun vaxt ala bilər.

Milli.Az ictnews.az-a istinadən bildirir ki, 26 oktyabrdan etibarən ABŞ-da "PayPal"ın istifadəçiləri platformada bitkoin və başqa rəqəmli valyutaları rəsmən ala və sata biləcəklər. Xidmətdən bildirilib ki, "PayPal" ilə əməkdaşlıq edən 26 milyondan çox meydançada məhsulların ödənişi üçün kriptovalyutadan istifadə etmək mümkün olacaq.

Şirkət, həmçinin istifadəçilərə kriptovalyutanın, rəqəmli valyuta ekosistemlərinin, risklərin necə işlədiyini başa düşməyə kömək edəcək materiallar dərc edəcək. Şirkət ilin sonunadək kriptovalyutanın alınması və satılması üçün istifadəçilərə göstərilən xidmətə görə ödəniş tələb etməyəcək.

"PayPal", həmçinin 2021-ci ilin birinci yarısında ona məxsus "Venmo" platformasında da kriptovalyutadan istifadə etməyə başlamağı planlaşdırır.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.