Maraqlı

Avropada elektromobillərin tətbiqi sürətlənəcək

15 Sentyabr 2020 08:59

Baxış: 879

VTB-də minimal faiz dərəcəsi ilə nağd kredit 9.9%-dən

#TEXNOLOGİYA

"Nissan", "Renault" və "Uber" şirkətləri arasında Avropada elektrik mühərrikli avtomobillərin tətbiqinin sürətləndirilməsini nəzərdə tutan Anlaşma Memorandumu imzalanıb.

Milli.Az ictnews.az-a istinadən bildirir ki, saziş çərçivəsində işlər bir neçə istiqamət üzrə aparılacaq. Məsələn, "Uber" əlavəsi vasitəsilə Avropa ölkələrinin sürücüləri "Renault" və "Nissan" avtomobillərindən istifadə edə biləcəklər: bunlar "ZOE" və "LEAF" modelləri, eləcə də hər iki istehsalçının gələcəkdə buraxılacaq elektromobilləri olacaq.

Bundan başqa, atmosferə sıfır dərəcədə zərərli maddələr buraxan nəqliyyat vasitələrinə diqqətin cəlb edilməsi məqsədilə xüsusi marketinq proqramları təşkil olunacaq. Saziş iştirakçıları "Uber" tərəfdaş sürücüləri üçün elektromobilləri və onların üstünlüklərini reklam etmək, eləcə də elektromobillərin imkanlarını qiymətləndirməyə imkan verən sınaq yürüşləri təklif etmək niyyətindədir.

Yeni təşəbbüs "Uber" şirkətinin ekoloji təmiz nəqliyyat platformasına çevrilməsi üçün miqyaslı proqramın tərkib hissəsidir. 2025-ci ilədək "Uber" avtomobillərinin qət etdiyi ümumi məsafənin yarısı yeddi Avropa paytaxtının - Amsterdam, Berlin, Brüssel, Lissabon, London, Madrid və Parisin elektromobillərinin payına düşəcək. Artıq 2021-ci ilin sonunda "Uber" sürücüləri şirkətin fəaliyyətinin 80 faizinin cəmləşdiyi Avropa şəhərlərində sıfır dərəcəli zəhərli tullantıya malik avtomobillər seçə biləcəklər.

Qeyd olunur ki, 2010-cu ildən təkcə "LEAF" elektromobillərinin sahiblərinin dünyada qət etdiyi ekoloji təmiz məsafə 14,8 milyard km təşkil edir, eləcə də 2,4 milyard kq karbon qazının atmosferə buraxılmasının qarşısı alınıb.

Milli.Az

Milli.Az - Xəbər Portalı

Avropada elektromobillərin tətbiqi sürətlənəcək

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?