Maraqlı

“Vəsail əl-şiə” hansı kitabdır və nədən bəhs edir?

6 Sentyabr 2020 21:45
Baxış: 5 318
VTB-də minimal faiz dərəcəsi ilə nağd kredit 9.9%-dən
#DİN

XVII əsrin sonlarında Səfəvilər dövləti zəiflədiyi üçün düşmən hücumları nəticəsində iri kitabxanalar məhv edildi, xeyli nadir kitablar yandırıldı. Bəzi cəfəri alimləri bu təhlükəni vaxtında dəyərləndirərək, iri hədis məcmuələri tərtib etməyə başladılar ki, nadir dini mətnləri gələcək nəsillərə ötürsünlər. Əllamə Məclisi, Feyz Kaşani, Hürr Amili kimi alimlər bu istiqamətdə fəaliyyət göstərmiş, "Bihar əl-ənvar", "əl-Vafi", "Vəsail əl-şiə" kimi irihəcmli hədis topluları yaratmışlar. Şeyx Mühəmməd ibn Həsən Hürr Amili (1623-1693) "Vəsail əl-şiə"  kitabını 18 il ərzində tərtib etmişdir. Burada 36 minə yaxın hədis toplanıb. "Vəsail əl-şiə" kitabının "Bihar əl-ənvar"dan əsas fərqi burada yalnız şəriətə (fiqhə) aid hədislərin toplanması və onların sənədlə verilməsidir. Müəllif hər mövzu barədə hədisləri diqqətlə müəyyən fəsillərdə cəmləmişdir. "Vəsail əl-şiə" kitabı 20 və 30 cild şəklində çap edilmişdir. Dini mənbələrdə bu kitaba çox istinad edilir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.