Maraqlı

Koronavirusa qarşı immunitet yoluxmayanlarda da aşkarlandı

23 May 2020 23:25
Baxış: 1 355
VTB-də minimal faiz dərəcəsi ilə nağd kredit 9.9%-dən
#SAĞLAMLIQ

2015-2018-ci illərdə toplanmış donor qanı nümunələrində SARS-CoV-2-nin antigenlərinə qarşı T-limfositin qazanılmış immun cavabı aşkarlanıb.

Milli.Az deyerler.org-a istinadən bildirir ki,  ABŞ-ın Kaliforniya ştatındakı La-Xoyya şəhərinin İmmunologiya İnstitutunun alimlərinin araşdırması "Cell" jurnalında dərc edilib.

Ümumiyyətlə, araşdırmanın başlıca məqsədi ən güclü hüceyrə immun cavabını verən koronavirusun spesifik antigenlərini təyin etmək olub. Bu, gələcək vaksinin hazırlanmasında çox vacib bilgidir.

Bu məsələnin öhdəsindən alimlər uğurla gəlib. Ancaq bununla birgə alimlər bir başqa kəşf də ediblər. Belə ki, araşdırma zamanı onlar COVID-19 keçirməmiş 2015-2018-ci ildəki donor qanı nümunələrini də incələyərək onların təxminən yarısında virusun antigenlərinə qarşı T-hüceyrələrin spesifik reaksiyasını aşkarlayıblar.

Araşdırmanın müəllifləri bunun kross-reaktiv immunitetlə bağlı olduğunu güman edirlər. Alimlər qan nümunələrini daha öncə məlum olan 4 koronavirus növlərindən ikisinə qarşı antikor yoxlamasından keçiriblər. Yəni onlar COVID-19-dan fərqli olan başqa koronavirus xəstəlikləri keçiriblər.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.