Maraqlı

“Mandrake” virusu “Android” qurğuları üzərində nəzarəti ələ keçirir

16 May 2020 08:46

0 Şərh Baxış: 784

VTB-də minimal faiz dərəcəsi ilə nağd kredit 10.49%-dən

#TEXNOLOGİYA

Proqram təminatının təhlükəsizliyinin tədqiqi ilə məşğul olan "Bitdefenter Labs" şirkəti "Android" sistemli qurğulara hücum edən yeni zərərli proqram təminatı barədə açıqlama verib. Ekspertlərin sözlərinə görə, virus bütün qurğulara hücum etmədiyi üçün ən çox yayılmış təhdidlərdən fərqli davranaraq bunun əvəzinə daha faydalı məlumatlar əldə edə biləcəyi istifadəçiləri seçir.

Milli.Az ictnews.az-a istinadən bildirir ki, zərərli proqram təminatının tərtibatçıları ona müəyyən regionların, o cümlədən keçmiş SSRİ ölkələri, Afrika və Yaxın Şərq istifadəçilərinə hücum etməyi qadağan ediblər. Tədqiqata görə, Avstraliya hakerlərin əsas hədəfidir. Həmçinin ABŞ, Kanada və bir sıra digər Avropa ölkələrində çoxlu qurğu yoluxdurulub.

Zərərli proqram təminatı mütəxəssislər tərəfindən ilk dəfə bu ilin əvvəlində aşkarlansa da, 2016-cı ildən yayılmağa başlayıb. Qiymətləndirməyə görə, virus bu müddət ərzində yüz minlərlə istifadəçinin qurğusunu yoluxdurub. Bu ilin əvvəlindən etibarən proqram təminatı on minlərlə qurğuya hücum edib.

"Bitdefenter Labs" şirkətinin təhlükələrin tədqiqi və hesabatı üzrə direktoru Boqdan Botezatu "Mandrake" virusunu "Android" üçün ən güclü zərərli proqramlardan biri adlandıraraq onun son məqsədinin qurğu üzərində tam nəzarəti ələ keçirmək və istifadəçi hesablarını oğurlamaqdan ibarət olmasını deyib.

"Google" şirkəti yaranmış vəziyyətə münasibət bildirməkdən imtina etdiyindən təhlükənin hələ də aktiv olması ehtimal edilir. "Mandrake" virusuna yoluxmamaq üçün ən yaxşı üsul kimi tanınmış tərtibatçıların antivirus proqramlarının quraşdırılması tövsiyə edilir.

Milli.Az