PUL
.jpg)
Əməliyyat sistemi ilə bağlı istifadəçi şikayətləri artmaqdadır.
Şəbəkə istifadəçilərinin aprel ayının 14-də Microsoft şirkəti tərəfindən istifadəyə verilən, yenilənmiş "Windows 10" əməliyyat sisteminə qarşı şikayəti artmaqdadır.
Milli.Az ted.az-a istinadən bildirir ki, "KB4549951" nömrəsi altında yenilənən "Windows 10" əməliyyat sistemi istifadəçi icazəsi olmadan bəzi faylları silir, bəzilərinin isə yerini dəyişir.
Bir müddət əvvəl istifadəçilər bildirirdilər ki, bu əməliyyat sisteminin yenilənməsi Bluetooth və Wi-Fi-ya girişi çətinləşdirir. Sistemin sürətini zəiflədir, bəzən "çökürdür" və ekranı tamamilə mavi rəngə boyayıb iş prosesində xaos yaradır.
Bu dəfə isə "Windows 10" istifadəçilərin xəbəri olmadan fayılları silir və ya yerini dəyişir.
Sözügedən əməliyyat sisteminin istifadəçilərindən biri yaranmış problemlə bağlı şərh yazaraq qeyd edir: "Bu yenilənmə sadəcə faciədir. Sistem fayllarımı, şəkillərimi, sənədlərimi, Windows Store-dən yüklənilən tətbiqlərimi silir".
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
