Maraqlı

Bakteriya və qumdan “canlı” beton hazırlanıb

21 Yanvar 2020 08:31

1 Şərh Baxış: 656

VTB-də minimal faiz dərəcəsi ilə nağd kredit 9.9%-dən

#TEXNOLOGİYA

Amerikalı alimlər xüsusi bakteriyalarla birgə qum və xüsusi hidrogeldən ibarət matrisdə "canlı" beton hazırlayıblar. Biotərkibə malik beton yaranmış çatları özü aradan qaldırır.

Milli.Az ictnews.az-a istinadən bildirir ki, alimlər "Synechococcus sp." siyanobakteriyalarını mikroorqanizmlər üçün bir növ qida mühiti olan qum və xüsusi hidrogeldən ibarət karkasda yerləşdiriblər. Bunun sayəsində bakteriyalar çoxalaraq və minerallaşaraq "canlı" beton yaradıblar.

Hər dəfə temperatur yüksəlməsi və rütubətin artması zamanı material "canlanaraq" yenidən çoxalmağa başlayıb. Alimlər bu effekti nümayiş etdirmək üçün kərpici iki yerə bölüblər, bir qədər qum, hidrogel və qida maddələri əlavə ediblər, nəticədə siyanobakteriyalar iki tam kərpic yaradıblar.

Mütəxəssislər hesab edirlər ki, "canlı" beton artıq 5-10 il sonra geniş yayıla bilər.

Milli.Az