Maraqlı

Süni dırnaq, kirpik və sairə qüslə və dəstəmaza mane olurmu?

19 Yanvar 2020 20:37
0 Şərh     Baxış: 1 308

Dəstəmaz və qüsl zamanı ən mühüm şərtlərdən biri suyun bədən üzvlərini tam islatmasıdır. Bəziləri yanlış olaraq elə düşünür ki, qüsl və dəstəmazda yalnız dərinin islanması vacibdir, dırnaq, saç, tük kimi üzvlərə suyun dəyməsi lazım deyil. Bu təsəvvür yanlışdır. Qüsl zamanı bədənin bütün zahiri (çölü) su ilə islanmalıdır, hətta qulaq dəliyi kimi hissələr də (əgər dəliyin içərisi açıqdırsa və görünürsə) quru qalmamalıdır. (Bu hökm dəstəmazda yuyulması vacib olan üzvlərə də şamildir). Qaş, kirpik, dırnaq kimi üzvlər də su ilə tam islanmalıdır. Süni dırnaq əsl dırnağın üzərini örtür və əsl dırnaqla suyun arasında maneə yaradır. Ona görə də süni dırnaqla qüsl və dəstəmaz almaq düzgün deyil. Süni və ya qaynaq edilmiş kirpik də əgər göz qapağının bir hissəsinin üzərini örtürsə və su ilə islanmasına manəə törədirsə, onunla qüsl və dəstəmaz almaq icazəli sayılmır.

Milli.Az

loading...

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.