Maraqlı

Piylənmə beyin problemidir?

7 Dekabr 2019 23:15
0 Şərh     Baxış: 1 453
VTB-də minimal faiz dərəcəsi ilə nağd kredit 9.9%-dən
#SAĞLAMLIQ

Artıq çəki ilə mübarizə öncə beyində başlanmalıdır, bu qərarı beyin verməlidir.

Milli.Az e-tibb.az-a istinadən bildirir ki, bunu Türkiyə Endokrinologiya və Metobolizm Cəmiyyətinin sədr müavini, professor Ayşəgül Atmaca deyib. O, artıq çəkinin bütünlükdə toplumu narahat edən problem olduğunu və artıq uşaqları da təhdid etdiyini bildirib.

Piylənmə ilə mübarizə üçün çoxlu sayda diet proqramlarının olduğuna diqqət çəkən mütəxəssis, aşağı kalorili diyet proqramları ilə müəyyən müddət artıq çəkinin azaldığını, amma sonradan yenə əvvəlki qidalanma alışqanlıqlarına qayıdıldığını, ona görə də tez bir zamanda artıq çəki yarandığını deyib. Onun fikrincə, həyat tərzini dəyişmək çox çətindir. Bir şəxsin həyat tərzini dəyişməsi əslində müalicə deməkdir. Artıq çəki ilə mübarizədə qidalanma alışqanlıqlarını dəyişmək lazımdır. Bunu hər şeydən əvvəl beyində dəyişmək, beyinin qərar verməsinə çalışmaq lazımdır.

Mütəxəssis, həmçinin piylənmə ilə mübarizədə hərəkətin çox vacib olduğunu, həftədə ən azı 150 dəqiqə idman etməyin önəmli olduğunu vurğulayıb.

Bundan başqa, gündəlik aktivliyin də mühüm amil olduğunu deyib. Məsələn, gündəlik lift yerinə pilləkənlə qalxıb-enmək, yaxın məsafələrə maşınla yox, piyada getmək, uşaqlara hərəkətli oyunlar oynamağı öyrətmək lazımdır.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.