Maraqlı

Toyuq şorbası içməyiniz üçün önəmli səbəb - Bu xəstəliklərin dərmanıdır

7 Noyabr 2019 21:35
4 Şərh     Baxış: 1 381

Mütəxəssislər, toyuq şorbasının insan bədənindəki hüceyrələrin böyüməsi və bərpası üçün zəruri amin turşularının çox zəngin bir qaynaq olduğunu söyləyib. Həmçinin bu qida bədəni xəstəliklərdən qoruyur.

Milli.Az medicina.az-a istinadən bildirir ki, qədim dövrlərdən bəri faydaları ilə tanınan toyuq bulyonu şorbası, Misirdə ümumi soyuqluq üçün istifadə edilib. Hətta məşhur alim İbn Sinanın müalicə üsullarında bu qidanın adı keçir.

Toyuq şorbasının faydaları nələrdir? Soyuq hava insanın maddələr mübadiləsində bəzi dəyişikliklərə səbəb olduğu üçün bədənin müdafiə mexanizmini xəstəliklərə qarşı zəifləyir. Məsələn, yorğunluq, əzələ, çiyin, bel və boyun ağrıları və zehni problemlər kimi bir çox xəstəliklərə yol açır.Nəticədə soyuqdəymə və qripə tutulma riskini artırır.

Bunların qarşısını almaqda toyuq bulyonu əvəzedilməz vasitədir. Bulyon aşağıdakı narahatlıqlara kömək edir:

Oynaq ağrıları

Qış aylarında oynaq xəstəliyinin qarşısını almaq üçün sağlam və güclü bəslənmənin əhəmiyyətini vurğulayan mütəxəssislər, toyuq bulyonu şorbasında çox zəngin olan mineralların, oynaq ağrıların qarşısını aldığını bildirib.

Ağ qan hüceyrələrini qidalandırmaq

Toyuq bulyonundakı maddələrin xəstəliklə mübarizə aparan ağ qan hüceyrələrinin istehsalına töhfə verdiyini deyən mütəxəssislər, onun bədəni soyuqdəymədən və digər xəstəliklərdən də qoruduğunu söyləyirlər.

Amin turşusu mənbəyidir

Əsrlər boyu şəfa mənbəyi kimi tanınan toyuq bulyonu, bədəndəki hüceyrələrin böyüməsi və bərpası üçün zəruri olan amin turşuları ilə çox zəngin bir qidadır.

Sinusitləri təmizləyir

Qış aylarında həm içimizi isidən, həm də minerallarla zəngin toyuq bulyonu tənəffüs yollarımızın açılmasına güclü təsir edir. Həmçinin sinusiti açaraq ağrılardan azad olmamıza kömək edir.

Milli.Az

loading...

Şərh yaz:

4 Şərh:

  • Anonim
    asi · 7 Noyabr 21:5461

    Xüsusən də broyler toyuqları)))... Toyuğun tərkibində dərmanları heç aptekdə tapmaq olmaz..Amma ev toyuqlarının şorbası həqiqətən də dadlı olur..Bir dəfə nənəm toyuqdan bir şorba bişirdi, babam xəstə idi, onun üçün..Bizdə adətən toyuğun başı və ayaqları yeyilmir..Amma nənəm şorbanı bir neçə toyuğun başından və ayaqlarından bişirdi..Içinə də çoxlu alça turşusu atmışdı..Şorba o qədər dadlı idi ki, sonra o dadı heç bir şorbada tapa bilmədim).. Babama antibiotik kimi təsir etdi şorba)..Ondan sonra hər xəstələnəndə deyirdi mənə baş-ayaq şorbası bişirin)..

    Cavab yaz
  • Anonim
    · 7 Noyabr 21:5830

    Broyler yoxda heyet toyugu

    Cavab yaz
  • Anonim
    Zuni · 7 Noyabr 22:1440

    Kend toyugunnan olsa yox demerem)

    Cavab yaz
  • Anonim
    Karataylı · 8 Noyabr 06:5120

    Kənd toyuğunun supuna dad çatmaz

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.