Maraqlı

Gələn ilki iPhone'ların qiymətlərində yüksəliş olacaq

7 Noyabr 2019 21:15
0 Şərh     Baxış: 778
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Apple şirkətinin hələ bir neçə müddət bundan öncə yeni iPhone 11 smartfon modellərini satışa çıxartmasına baxmayaraq analitiklər artıq iPhone 12-nin necə olacağı barəsində proqnozlar qururlar. Əslində bu, əbəs yerə deyil. Çünki gələn ilki iPhone modellərində tamamilə yeni dizayn və 5G dəstəyinin olacağı gözlənilir. Lakin bütün bu yeniliklərə görə smartfonların qiymətlərində də yüksəlmə olacaq. Bu barədə Wccftech saytı xəbər verib.

Milli.Az technote.az-a istinadən bildirir ki, analitiklərin proqnozlarına əsasən gələn il də Apple şirkəti 3 iPhone modeli təqdim edəcək və onlardan ikisi Qualcomm-un 5G dəstəkli modemini əldə edəcək. Bununla yanaşı analitiklər qeyd edirlər ki, gələn ilki iPhone modellərinin dizaynlarında dəyişiklik olacaq. Gələn ilki iPhone modellərində metal karkas, arxa və ön paneldə şüşə materialdan istifadə olunacaq. Lakin metal karkasın dizaynı iPhone 4-ün dizaynına bənzəyəcək.

Nəticədə iPhone 12 modellərinin qiymətlərində yüksəlmə olacaq. iPhone 12-nin qyməti hal hazırda olan iPhone 11 modellərinin qymətlərindən ortalama 140$ baha olacaq. Ümumi nəticədə gələn ilki iPhone modellərində növbəti qiymət göstəricilərini gözləmək olar: iPhone 12 (850$), iPhone 12 Pro (1280$) və iPhone 12 Pro Max (1420$). Təbii ki, smartfonların qiymətləri satışa çıxacaqları regionlardan asılı olaraq dəyişəcək.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.