Maraqlı

“Samsung” şirkəti OLED ekranlı ilk televizorlar buraxacaq

24 Avqust 2019 08:51
0 Şərh     Baxış: 359

"Samsung Electronics" şirkətinin "Samsung Display" törəmə müəssisəsi maye-kristal panellərin istehsalını azaldaraq diqqəti OLED matrisalara yönəltmək niyyətindədir. Bu barədə "Korea Herald" nəşrinin məlumatında deyilir.

Milli.Az ICTnews-a istinadən bildirir ki, söhbət özündə üzvi işıq diodları (OLED) və kvant piksellər (QD) texnologiyalarını birləşdirəcək QD-OLED (Quantum Dot OLED) ekranlarından gedir. Texnologiyanın təsvirinə görə, OLED paneli mavi işığı şüalandırır, kvant piksellər isə onu qırmızı və yaşıl işığa çevirir. Belə yanaşma sayəsində eyni anda dəqiq rəngvermə və az enerji sərfiyyatına nail olunur.

Bildirilir ki, hazırda bir sıra "Samsung" televizorlarında istifadə edilən "Quantum Dot" texnologiyası yalnız LCD matrisalara (QLED əmtəə nişanı) inteqrasiya olunub.

Şirkət QD-OLED panellərinin istehsalına 10 trilyon Koreya vonu (8,3 milyard dollar) investisiya yatırmağı planlaşdırır. Yüksək sinifli məhsul OLED ailəsinə aid texnologiya əsasında ekrana malik ilk "Samsung" televizoru olacaq.

Şirkətin OLED ekranları bazarında dünya lideri olamasına və onları mobil qurğularda aktiv istifadə etməsinə baxmayaraq indiyədək bu matrisalarla təchiz edilən televizorlar buraxmayıb.

Milli.Az

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.