Maraqlı

Alkoqoldan imtinadan sonra orqanizmdə nə baş verir?

20 İyul 2019 23:20
1 Şərh     Baxış: 3 641
VTB-də minimal faiz dərəcəsi ilə nağd kredit 9.9%-dən
#SAĞLAMLIQ

Ekspertlər alkoqoldan imtinanın orqanizmə, psixoloji duruma müsbət təsirlərini araşdırıblar. Qeyd olunur ki, spirtdən imtina hər şeydən əvvəl insanlarda xoşbəxtlik duyğusu yaradır. Araşdırmaçılara görə, spirt qəbul etməyəndə insanlar daha xoşbəxt və daha sağlam olurlar. Bir çoxları spirtli içkilərdən istifadə edərək, ovqatı qaldırmaq və başqaları ilə daha yaxşı ünsiyyət qurmaq istəsələr də, alimlər bunun səhv fikir olduğunu deyirlər. Qeyd olunur ki, spirt qəbulunu dayandırdıqdan sonra insan daha açıq danışa, daha ünsiyyətcil və cəsarətli ola bilir.

Milli.Az e-tibb.az-a istinadən bildirir ki, səhhətində problem olanlar, ələlxüsus insomnia (yuxusuzluq) xəstələri alkoqol asılılığından imtina etməlidir. Alkoqol ürəyin döyünmə dövriliyini pozur və insanın yuxusuna mənfi təsir göstərir. Yuxu bədənin istirahət edəcəyi vəziyyət olsa da, alkoqol həmin prosesi tamamilə pozaraq mənfi təsir göstərir.

Alkoqol həmçinin idmanla məşğul olanlar üçün də çox ziyanlıdır. Spirt əzələlərin fəaliyyəti üçün lazım olan mayenin miqdarını azaldır, əzələ kütləsi səmərəli şəkildə bərpa edilmir. İçkidən imtina edəndən sonra daha çox əzələ kütləsi yaranır.

Alimlər bildirir ki, orqanizmdə B vitamini nə qədər çox olsa, insanın enerji mübadiləsi baxımından heç bir problemi olmaz. Amma spirtli içkilər B vitaminin orqanizmə faydasını azaldır. Onun səmərəli istifadəsinə, toxumalar tərəfində mənimsənilməsinə əngəl törədir. Bundan əlavə, spirtli içki qəbul edənlərin dərisi quruyur, sağlam olmayan bir görünüş yaranır. İçkidən imtinadan sonra isə dəri sağlam görünüşünü bərpa edə bilir...

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.