Maraqlı

İlin hansı günlərində oruc tutmağın fəziləti çoxdur?

14 Mart 2019 21:40
0 Şərh     Baxış: 784

İshaq ibni Abdullah nəql edir: "Günlərin birində atamla əmim mübahisə etdilər. Onların mübahisənin mövzusu bu idi ki, ildə dörd gün vardır ki, həmin günlərdə oruc tutmağın fəziləti daha çoxdur. Ancaq hansı gün olduğu ilə bağlı mübahisə edirdilər.

Məsələni həll etmək üçün İmam Hadinin (ə) yanına getdilər. O zamanda Həzrət (ə), Mədinənin Sərya adlı kəndində sakin idi. Hələ Samirra şəhərinə aparılmamışdı.

Milli.Az deyerler.org-a istinadən bildirir ki, İmamın (ə) mənzilinə yollandılar və evə daxil olub əyləşdilər. Onlar ağızlarını açmazdan əvvəl İmam (ə) buyurdu: "Siz mənim yanıma ona görə gəlmisiniz ki, ilin hansı günlərində oruc tutmağın fəzilətli olmağını öyrənəsiniz?".

Dedilər: "Elədir, ya ibni Rəsulallah!".

İmam (ə) buyurdu: "Bəs bilin ki, o, dörd gündür:

1. Rəbiul-əvvəl ayının 17-dir ki, Həzrət Peyğəmbər (s) dünyaya gəlmişdir.

2. Rəcəb ayının 27-dir ki, Peyğəmbərin (s) besət günüdür.

3. Zilqədə ayının 25-idir ki, Dəhvul-ərz gündür.

4. Zilhiccə ayının 18-dir ki, Qədir-Xum günüdür".

Milli.Az

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.