Maraqlı

Ananın bu xüsusi duası ilə, oğlu dərhal xəlifənin zindanından çıxdı

14 Mart 2019 21:50
0 Şərh     Baxış: 1 095

Rəcəb ayında yerinə yetirilən məşhur əməllərdən biri də "Ümmi-Davud" əməlidir. Hədis kitabında oxuyuruq ki, İraqda mərifət əhlindən olan bir cavan Mənsurun (lən) əli ilə zindana atılır və uzun zaman orada həbs altında olur. Bu şəxsin adı Davud idi. Anası övladının ayrılığına tab gətirə bilmirdi. Bir gün İmam Sadiqin (ə) yanına gedir və oğlunun başına gələnləri ona danışır. Həzrətdən (ə) çarə istəyir.

İmam (ə) ona buyurur: "Bilirsənmi ki, bu ay - Rəcəb ayıdır. Dua bu ayda tez yerinə yetər. O şeyi ki, deyirəm - dəqiq yerinə yetir ki, oğlun zindandan azad olsun.

Milli.Az deyerler.org-a istinadən bildirir ki, birincisi Rəcəb ayının 13, 14, 15-ci günlərini oruc tut. 15-ci günü zöhr zamanı qüsl al və 8 rükət vacib namazını yerinə yetir...".

Sonra anaya xüsusi namazı başa salır.

Elə ki, ana həmin namazı qılır, tez bir müddət sonra oğlunu azad edirlər.

Namazın keyfiyyəti belədir ki, xəlvət yerdə zöhr və əsr namazlarını qıldıqdan sonra, üzü qibləyə dayanıb, "Həmd"i ("Fatihə"ni) - 100  dəfə, "İxlas"ı - 100  dəfə, 10 dəfə "Ayətül-kürsü"nü oxuyursan və sonra "Ənam", "Bəni-İsrayil", "Kəhf","Loğman", "Yasin", "Saffat", "Fussilət", "Şura", "Duxan", "Fəth", "Vaqiə", "Mülk", "Nun", "İnşiqaq" surələrini və Quranı axıra qədər oxuyursan. Bunlar bitəndən sonra üzü qibləyə dayanıb, xüsusi duanı oxuyursan. Həmin dua ki, o gündən sonra "Ümmi-Davud" duası adı altında məşhur olmuşdur. Həmin dua "Məfatih" kitabında ətraflı şəkildə bəyan edilmişdir.

Əməli yerinə yetirəndən sonra Ümmi Davud İmamın (ə) yanına gedir və salam verdikdən sonra, oğlu haqqındakı xəbərləri Həzrətə (ə) çatdırır.

İmam Sadiq (ə) buyurur: "Mənsur yuxularının birində cəddim Əmirəl-möminini (ə) görmüşdür ki, ona xəbərdarlıq edirdi:"Bacardığın qədər tez bir zamanda oğlum Davudu azad et, əks halda səni atəşə atacağam". Mənsur da qarşısında atəşi görən zaman, Davudu azad etmələrini əmr edir".

Milli.Az

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.