Maraqlı

Sadə qan analizi orqanizmdə qurdları aşkar edir

21 Aprel 2018 23:05
0 Şərh     Baxış: 3 897
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Son zamanlar qurdlar, qurd xəstəlikləri insanlar arasında əsl fobiyaya çevrilib.

İnsanlar kütləvi şəkildə qurdları aşkar etmək üçün bahalı analizlər verir, müxtəlif müayinələrdən keçir.

Milli.Az saglamolun.az-a istinadən bildirir ki, lakin adi ümumi qan analizi qurdların orqanizmdə olmasına işarə edə bilər. Bunu tanınmış rus həkimi Aleksandr Myasnikov apardığı "O samom qlavnom" adlı televerlişdə deyib. Həkimin sözlərinə görə, qurdlardan şübhələr yarandlqda ilk növbədə ümumi qan analizi verilməlidir.

Qan analizində leykositlərin bir növü olan eozinofillərin (EOS) miqdarına fikir vermək lazımdır. Eozinofillər orqanizmdə yad zülalları məhv edir. Onların qanda normadan yüksək olması "eozinofiliya" adlandırılır. Eozinofiliya orqanizmdə yad zülalların artmasına cavab olaraq inkişaf edir. "Yad zülallar" o cümlədən qurdlar da ola bilər.

Normada eozinofillərin miqdarı ümumi leykositlərin miqdarında 1-5% təşkil edir. Bu həm kişi, həm qadınlar üçün eynidir.

Eozinofillər 5%-dən aşağıdırsa, bu o deməkdir ki, sizdə qurdlar yoxdur.

5%-dən yüksəkdirsə, eozinofiliyanın səbəbini araşdırmaq lazımdır. Bu o cümlədən qurd xəstəliklərin simptomu ola bilər.    

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.