Dilimizə ərəb dilindən keçən 15 söz

Ünsiyyət zamanı istifadə etdiyimiz bəzi sözlərin dilimizə ərəb dilindən keçdiyini, bəzilərin isə rus dilindən gəldiyini, amma onların da ərəb mənşəli olduğunu bilirdinizmi?

Milli.Az islam.az-a istinadən bildirir ki, aşağıda bəzi belə sözlər təqdim edilib.

1. Admiral (əmir əl-bəhr). Ərəb dilindən tərcümədə "dənizin hökmdarı" mənasını verir. Azərbaycan dilinə rus, rus dilinə çar Pyotrun dövründə yol tapıb, ruslar isə onu niderland dilindən götürüblər. Niderland dilinə isə ərəb dilindən keçib.

2. Cəbr (əl-cəbr). Ərəb dilindən tərcümədə "dağınıq hissələrin bərpası" mənasını verir.

3. Alkoqol (əl-kuhul). Dilimizdə tərkibində spirt olan içkilər mənasını verir. Ərəb dilində isə - "xırdalanmış poroşok".

4. Almaz (əl-mas). Söz tatar dilindən götürülüb. Türk dilinə isə ərəb dilindən keçib.

5. Həşiş (həşiş). Hərfi tərcümədə "qurudulmuş ot" mənasını verir.

6. Qəhvə (qəhvə). Avropaya XVIII əsrdə ərəb dilindən yol tapıb.

7. Lak (ləkk). Rus dilinə Hindistandan ərəb dili vasitəsi ilə gəlib. Əşyaların üzərinə parıltı vermək üçün çəkilən spirtdə və ya yağda əridilən məhlula deyilir.

8. Mağaza (məhzan). Rus dilinə ərəb dilindən keçib, Azərbaycan dilinə isə rus dilindən.

9. Matras (mətrah). Rus dilinə alman və paralel olaraq holland dillərindən keçib. Əsli isə ərəb dilindəki "mətrah"dı - "yastıq".

10. Maskarad (məsxərə). Ərəb dilində "maska" deməkdir.

11. Massaj (məss). Ərəb dilində "toxunmaq, həzin ovuşdurmaq" deməkdir.

12. Tablo (təbl). Ərəb dilində "təbil" mənasını versə də, hazırda rus və Azərbaycan dillərində "lövhə" kimi istifadəolunur.

13. Tarif (Tərifə). Rus dilinəalman və ya fransız dillərindən keçib, Avropa dillərinəisə ərəb dilindən. "Tərifə" - rüsum yığımı haqqında elan.

14. Şahmat (şah məyit). Ərəb dilində "şax məyit", yəni "şah ölüb".

15. İksir (əl-iksir). Etimoloqların rəyinə görə,  "əl-iksir" sözü susuzluq yaradan hansısa yunan dərmanının adıdır.

Milli.Az

Digər maraqlı xəbərlər Milli.Az-ın Facebook səhifəsində

Milli.Az-ın ən mühüm və maraqlı xəbərlərini "Telegram"da izləyin