Dünya

Ağ Evdən təcili tapşırıq - Tramp Putin və Zelenski ilə görüş istəyir

7 Avqust 2025 09:50

Baxış: 453

VTB-də yüksək depozit faizleri daha çox qazandırır

#DÜNYADA #PUTİN #DONALD TRAMP #ZELENSKİ

ABŞ Prezidenti Donald Tramp komandasına Rusiya Prezidenti Vladimir Putin və Ukrayna Prezidenti Volodimir Zelenski ilə görüşlərin ən qısa müddətdə təşkil olunması üçün göstəriş verib.

Milli.Az xəbər verir ki, CNN-in Ağ Evdəki iki mənbəyə istinadla verdiyi məlumata görə, görüşlərin təşkilinin mürəkkəbliyinə baxmayaraq, Tramp prosesi sürətləndirməyi tələb edib. Prezidentin köməkçiləri artıq mümkün görüşlərin planlaşdırılmasına başlayıblar.

Görüşün keçiriləcəyi məkan hələ dəqiqləşməyib, lakin bir neçə variant nəzərdən keçirilir. Tarixlə bağlı da yekun qərar yoxdur, lakin danışıqların yaxın bir-iki həftə ərzində baş tutması mümkündür.

Qeyd edək ki, Tramp avqustun 6-da verdiyi açıqlamada Putin və Zelenski ilə şəxsi görüş ehtimalının yüksək olduğunu bildirib. O, Putinlə aparılan danışıqların müsbət keçdiyini vurğulayıb və bu prosesin son mərhələyə yaxınlaşdığını qeyd edib. Bununla belə, əvvəlki təcrübələrinə əsaslanaraq, nəticələrə ehtiyatla yanaşdığını əlavə edib.

Fidan
Milli.Az