Maraqlı

Mədə-bağırsaq xəstəliyi olanlar üçün MÖCÜZƏVİ RESEPT

15 İyul 2017 22:55
4 Şərh     Baxış: 3 172

Son zamanlar insanlar arasında bəzi mədə-bağırsaq xəstəlikləri geniş yayılıb. Burada bir çox faktorlar rol oynayır - genetik və xarici faktorlar, düzgün qidalanmamaq, GMO qidalar, zərərli vərdişlər, rejimsizlik, düzgün olmayan həyat tərzi, maddələr mübadiləsinin pozulması və s.

Əlbəttə, hər hansı bir şikayət zamanı ilk növbədə o sahənin mütəxəssisinə müraciət etmək lazımdı. Ancaq çox vaxt insanlar xalq təbabətindən də istifadə edərək özlərini müalicə edirlər.

Milli.Az lent.az-a istinadən bioenerqo-terapevt Tariyel Salmanovun xüsusi reseptini təqdim edir.
 
Həkim deyir ki, bu qarışım əksər mədə-bağırsaq xəstəlikləri, öd kisəsi iltihabı (xolesistit), öd axarlarında iltihab (xolangit), öd yollarının təmizlənməsi, mədəaltı vəzinin iltihabı (pankreatit), hiperaktiv qastritlər, qida borusunun xəstəliyi (ezofagitlərdə), xroniki hepatitlər, qaraciyər daxili xolestaz, qaraciyər daxilində öd yığıntısının təmizlənməsi, qaraciyərin piy distrofiyası, hiperxolesteremiya, xroniki qəbzlik, spastik və xroniki kolitlər, düz bağırsaq iltihabları və anemiyalar zamanı istifadə olunur.
 
Lazım olan ərzaqlar:
 
500 ml zeytun yağı (və ya çaytikanı yağı)
200 ml bal
200 qr qoz ləpəsi
4 ədəd limon
 
Hazırlanması:
 
Qoz ləpəsi sürtgəcin ən nazik gözündən keçirilir. Limonlardan ikisinin qabığı soyulur, ikisi qabıqlı qalır. Toxumları təmizlənib ət maşınından keçirilir. Əvvəl yağla bal yaxşıca qarışdırılır. Sonra qoz və limon əlavə edilib qarışdırılır. Qarışımın yaxşı həll olunması üçün blendr və ya mikserdən də istifadə etmək olar.
Qarışım hazır olandan sonra onu xırda şüşə bankalara yığıb soyuducunun alt gözünə və ya sərin yerə qoyun. Gündə 3 dəfə yeməkdən yarım saat əvvəl 1 xörək qaşığı qəbul edin. Hər dəfə dərmanı götürəndə bankanın ağzını dərhal bağlayıb yerinə qoyun ki, tez qıcqırmasın. 14-28 gün qəbul etmək olar.
 
Düz bağırsağın iltihabı və çatı zamanı isə buna bənzər digər qarışımdan istifadə etmək olar.
 
Lazım olan ərzaqlar:
 
250 ml zeytun yağı (çaytikanı və ya itburnu yağı da ola bilər)
100 ml bal
75 ml aloe bitkisinin şirəsi
 
Bunları bir qabda yaxşıca qarışdırın.
Xəstəyə ilk növbədə çobanyastığı dəmləməsi ilə təmizləyici imalə aparılır. Sonra xəstə sağ yanı üstə uzanır. Belinə "prelka" qoyulur. 50 ml qarışım bağırsağa yeridilir. 40 dəqiqə bu vəziyyətdə uzanmaq lazımdır. Qarışım 10-12 gün müddətində gündə 1 dəfə olmaqla istifadə olunur.

Milli.Az

Digər maraqlı xəbərlər Milli.Az-ın Facebook səhifəsində

Система Orphus * Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Şərh yaz:

4 Şərh:

  • Anonim
    Murad · 15 İyul 23:0210

    limon mede xestelerine qeti qadagandi... tursulu qida olmaz..

    Cavab yaz
    • Anonim
      Murada · 16 İyul 00:2100

      Tek limon olsa idi sen deyendi amma bal , zeytun yaqinan ziyan deyil

      Cavab yaz
  • Anonim
    bakili · 15 İyul 23:5200

    Medenin dermani donuz piyidir ( sala )

    Cavab yaz
    • Anonim
      ***** · 16 İyul 03:4200

      Tüh fuu, murdar

      Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.