Maraqlı

Yer altında gizli dünya tapıldı

20 İyun 2025 07:07
Baxış: 7 565
VTB-də minimal faiz dərəcəsi ilə nağd kredit 9.9%-dən
#MARAQLI

Cənubi Atlantik okeanında yerləşən Cənubi Sendviç adaları yaxınlığında keçirilən 35 günlük elmi ekspedisiya zamanı tədqiqatçılar elm üçün tamamilə yeni və rəngarəng bir sualtı dünya ilə qarşılaşıblar.

Milli.Az xəbər verir ki, bu kəşf planetin hələ tam öyrənilməmiş və bioloji baxımdan ən zəngin ərazilərindən birinə işıq salır.

Ekspedisiya çərçivəsində 700 metr dərinlikdə yerləşən hidrotermal mənbələr, dörd metrə qədər yüksələn isti su bacaları (və ya "qara bacalar"), sıx qırmızı mərcan bağları, nadir və ekzotik dəniz canlıları, o cümlədən parazitli balıqlar və unikal dəniz ilbizləri müşahidə edilib. Bu ekosistem həm bioloji müxtəlifliyi, həm də geotermal aktivliyi ilə alimləri heyrətləndirib.

Araşdırmanın ən həyəcanverici məqamlarından biri isə 2022-ci ildə ilk dəfə elmə məlum olan, lakin bu günə qədər heç vaxt görüntülənə bilməyən "Akarotaxis" adlı nadir balıq növünün ilk dəfə kameralara düşməsi olub. Bu balıq növü haqqında məlumatlar olduqca məhdud idi və onun real şəraitdə çəkilməsi elmi cəhətdən mühüm irəliləyiş sayılır.

Tədqiqatçılar bu kəşfi "planetin ən təcrid olunmuş və bioloji cəhətdən zəngin sualtı bölgələrindən birinə ilk ətraflı baxış" kimi dəyərləndirirlər. Onların fikrincə, bu tapıntılar okean dibi həyatının nə qədər sirli və zəngin olduğunu bir daha sübut edir və dəniz biomüxtəlifliyinin qorunmasının nə qədər vacib olduğunu xatırladır.

Asya
Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.