MTV Movie & TV Awards: ən yaxşı öpüş və sistemə qarşı mübarizə - SİYAHI - FOTO

ABŞ-ın Los-Anceles şəhərindəki "Shrine Auditorium"da MTV telekanalı ənənəvi  "MTV Movie & TV Awards" mükafatının təqdimat mərasimini keçirib.

Televiziya və kinematoqrafiya sahələrində nominasiyaların qaliblərini tamaşaçılar açıq səsvermədə seçiblər.

Milli.Az TMZ-yə istinadən bildirir ki, şounun aparıcısı amerikalı aktyor Adam Diveyn idi.

Bu il mükafatın nominasiyalarının sayı və formatı ilə yanaşı, adı da dəyişib.

Mərasimin triumfatoru "Beauty and the Beast" musiqili melodramı olub.

Film "İlin lenti" nominasiyasında, baş rolun ifaçısı Emma Uotson isə "Kinoda ən yaxşı aktyor" nominasiyasında qalib gəliblər.

Billi Kondonun filmində mahnılar ifa etmiş E.Uotson mükafatı alarkən deyib: "Səsim çox pisdir, bilirəm. Mükafatın formatının dəyişməsindən də razıyam. Gender sərhədlərinin pozulmasını da bəyənirəm. Gender fərqlərinin yoxluğu göstərir ki, aktyor məharəti özünü başqasının yerində görə bilmək bacarığıdır".

Daha sonra mükafatları almaq üçün səhnəyə "Loqan" filminin ulduzları Hyu Cekmen və Dafni Kin, Milli Bobbi Braun və başqaları qalxıblar.

"MTV Movie & TV Awards-2017" mükafatının qaliblərinin siyahısı belədir:

"İlin filmi"  - "Beauty and the Beast"

"Kinoda ən yaxşı aktyor" - Emma Uotson

"Ən yaxşı teleserial" - "Stranger Things"

"Ən yaxşı serial aktyoru" - Milli Bobbi Braun

"Ən yaxşı öpüş" - Eşton Sanders və Carrel Cerom

"Ən yaxşı qəddar insan" - Ceffri Din Morqan "The Walking Dead"

"Ən yaxşı aparıcı" - Trevor Noy ("The Daily Show")

"Ən yaxşı sənədli film" - "13th"

"Ən yaxşı televiziya müsabiqəsi" - "RuPaul's Drag Race"

"Ən yaxşı komediya aktyoru" - "Get Out"

"Ən yaxşı qəhrəman" - Taraci Henson (Hidden Figures)

"Ən kövrək səhnə" - Maylo Ventimilya və Luni Çavis (This Is Us)

"Ən yaxşı duet" - Hyu Cekman və Dafni Kin (Logan)

"Sistemə qarşı ən yaxşı mübarizə" - (Hidden Figures)

Milli.Az